Norwegian bætir við ferðum til Las Palmas og Tenerife frá Íslandi

Norska flugfélagið Norwegian hefur tilkynnt nýjar áætlunarferðir á milli Íslands og Kanaríeyja og Tenerife. Frá 30. október næstkomandi mun Norwegian fljúga tvisvar í viku frá Íslandi til Las Palmas á miðvikudögum og laugardögum. Frá 27. október næstkomandi mun flugfélagið bjóða upp á fimm áætlunarferðir í viku frá Íslandi til Tenerife, á mánudögum, þriðjudögum, fimmtudögum, laugardögum og sunnudögum.

Í tilkynningu vegna málsins segir Norwegian að það sé orðið leiðandi í því að flytja farþega á milli Íslands og Spánar, en Norwegian hefur boðið upp á áætlunarferðir á milli landanna frá árinu 2016. Norwegian er einnig leiðandi í því að flytja farþega á milli Norðurlandanna og Spánar.

Með þessum nýju leiðum er Norwgian nú með sjö mismunandi áætlunarferðir frá Íslandi, en Norwegian flýgur einnig til Madrídar, Barcelona, Alicante, Osló og Bergen.