Fótbolti

Grétar Snær skoraði í 14. sigurleik HB í röð

Einar Sigurvinsson skrifar
Heimir er að gera flotta hluti í Færeyjum.
Heimir er að gera flotta hluti í Færeyjum. vísir/eyþór
HB, lið Heimis Guðjónssonar er með fimm stiga forskot á toppi færeysku úrvalsdeildarinnar eftir 4-1 sigur á TB / FCS / Royn. Sigur HB í kvöld var sá 14. í jafn mörgum leikjum hjá liðinu.

HB komst yfir á 29. mínútu leiksins með marki frá Adrian Justinussen, en heimamenn jöfnuðu leikinn sex mínútum síðar með marki frá Salamundr Bech.

Skömmu fyrir lok fyrri hálfleiks náði HB aftur forystunni með marki frá Grétari Snæ Gunnarssyni, en Grétar gerði fyrir skömmu lánssamning við HB frá FH.

Adrian Justinussen bætti við sínu öðru marki á 59. mínútu og rétt fyrir leikslok gulltryggði Dan Soylu sigurinn fyrir HB. Lokatölur 4-1 og sigurganga HB virðist engan endi ætla að taka.

Fótbolti á Norðurlöndum

Mest lesið


Fleiri fréttir

Sjá meira


×

Mest lesið