Háspenna í Valsheimilinu

Valur sigraði Skallagrím í hörkuspennandi leik í Valsheimilinu í Domino's deild kvenna í körfubolta í kvöld.

Mikið jafnræði var með liðunum í upphafi og var staðan að loknum fyrsta leikhluta 23-20 fyrir Val. Skallagrímskonur skelltu hins vegar í lás í öðrum leikhluta og leyfði Valskonum aðeins að skora 10 stig. Á meðan skoruðu þær 23 og var staðan í hálfleik því 33-43 fyrir Skallagrím.

Heimakonur komu sterkari út úr leikhléinu og náðu að vinna sig aftur inn í leikinn, þær unnu þriðja leikhluta með fimm stigum og var staðan fyrir síðasta fjórðunginn 56-61.

Valskonur jöfnuðu leikinn strax í upphafi fjórða leikhluta og eftir það var leikurinn í járnum, liðin skiptust á að hafa yfirhöndina. Svo fór að lokum að Valur vann 77-73 sigur.

Valur er því enn á toppi deildarinnar með 26 stig. Skallagrímur er hins vegar í sjötta sæti með 14 stig, sex stigum frá sæti í úrslitakeppninni.

Í Smáranum tók Breiðablik á móti Keflavík í leik sem byrjaði mjög spennandi og var hnífjafn allan fyrri hálfleikinn. Staðan í leikhléi var 36-33 fyrir heimakonur í Breiðabliki.

Gestirnir úr Keflavík sýndu styrk sinn í seinni hálfleik og fóru hægt og rólega að taka fram úr. Góð vörn tryggði að Blikar skoruðu aðeins 11 stig í þriðja leikhluta og svo fór að lokum að Keflavík vann 65-81 sigur.

Keflavík er tveimur stigum á eftir Val í þriðja sæti deildarinnar. Blikar eru í 5. sæti með 16 stig, fjórum stigum frá Stjörnunni í fjórða sætinu.

Valur-Skallagrímur 77-73 (23-20, 10-23, 23-18, 21-12)



Valur: Aalyah Whiteside 35/12 fráköst/3 varin skot, Guðbjörg Sverrisdóttir 10/5 fráköst/11 stoðsendingar, Bergþóra Holton Tómasdóttir 8, Elín Sóley Hrafnkelsdóttir 7/11 fráköst/3 varin skot, Hallveig Jónsdóttir 7/6 fráköst/4 varin skot, Ásta Júlía Grímsdóttir 6/5 fráköst/3 varin skot, Dagbjört Samúelsdóttir 3, Ragnheiður Benónísdóttir 1.

Skallagrímur: Carmen Tyson-Thomas 32/17 fráköst/6 stoðsendingar, Jóhanna Björk Sveinsdóttir 11/10 fráköst/4 varin skot, Sigrún Sjöfn Ámundadóttir 10/6 fráköst/5 stoðsendingar, Jeanne Lois Figueroa Sicat 6/4 fráköst, Árnína Lena Rúnarsdóttir 5, Heiðrún Harpa Ríkharðsdóttir 4, Guðrún Ósk Ámundadóttir 3, Bríet Lilja Sigurðardóttir 2.

Breiðablik-Keflavík 65-81 (17-20, 19-13, 11-25, 18-23)

Breiðablik: Sóllilja Bjarnadóttir 18/12 fráköst/6 stoðsendingar, Ivory Crawford 17/10 fráköst, Isabella Ósk Sigurðardóttir 11/12 fráköst, Marín Laufey Davíðsdóttir 8, Eyrún Ósk Alfreðsdóttir 5, Auður Íris Ólafsdóttir 3, Telma Lind Ásgeirsdóttir 2, Melkorka Sól Péturdóttir 1.

Keflavík: Brittanny Dinkins 32/7 fráköst/5 stoðsendingar, Thelma Dís Ágústsdóttir 21/7 fráköst/5 stoðsendingar, Birna Valgerður Benónýsdóttir 12/4 fráköst, Salbjörg Ragna Sævarsdóttir 5, Katla Rún Garðarsdóttir 4, Embla Kristínardóttir 3/6 fráköst, Erna Hákonardóttir 2, Irena Sól Jónsdóttir 2.