Peter Madsen, danskur auðkýfingur og kafbátasmiður, neitar því enn að hafa banað Kim Wall, sænskri blaðakonu. Wall fór með honum í jómfrúarferð heimasmíðs kafbáts.
Madsen ætlar ekki að áfrýja 24 daga gæsluvarðhaldsúrskurði. Hann var handtekinn á laugardaginn grunaður um manndráp af gáleysi eftir að kafbáturinn UC3 Nautilus sökk á föstudaginn.
Lík Wall fannst ekki í kafbátnum þar sem leitað var í gær og verður leitinni haldið áfram í dag. Leitarsvæðið er þó stórt og nær yfir lögsögu bæði Svíþjóðar og Danmerkur, samkvæmt frétt SVT.
Kim Wall hefur ekki sést frá því á fimmtudaginn. Húnfór í siglinguna með Madsen í þeim tilgangi að skrifa um kafbátinn og siglinguna.
Kærasti Wall tilkynnti hvarf hennar þegar hún skilaði sér ekki úr ferðinni. Þegar samband náðist við Madsen í gegnum talstöð sagðist hann vera á leið aftur til hafnar. Hins vegar sökk báturinn í Køgesundi á föstudaginn. Madsen var bjargað en Wall hefur ekki fundist.
Samkvæmt SVT sagði Madsen að hann hefði hleypt Wall í land í Kaupmannahöfn á fimmtudagskvöldinu. Seinna mun hann þó hafa breytt sögu sinni og gefið lögreglu aðra útskýringu.
Lögreglan hefur sagst hafa ástæðu til að halda að bátnum hafi verið sökkt af ásettu ráði.
Neitar enn að hafa orðið blaðakonunni að bana
Tengdar fréttir
Kafbátnum sökkt af ásettu ráði – Enn leitað að Kim Wall
Enn er leitað að sænsku blaðakonunni Kim Wall sem hefur verið saknað frá því á föstudaginn þegar kafbátur Peter Madsen sökk.
Danskur kafbátaeigandi handtekinn vegna hvarfs sænskrar konu
Kafbátaeigandinn Peter Madsen, sem bjargað var þegar kafbáturinn hans sökk í gær, hefur verið handtekinn fyrir manndráp af gáleysi.
Enn er leitað að sænskri blaðakonu
Peter Madsen, danskur auðkýfingur og kafbátasmiður, er í haldi lögreglu grunaður um manndráp af gáleysi.
