„Kannski betra fyrir smáþjóð eins og okkur að vera ekki að blanda okkur í þetta“ Aðalsteinn Kjartansson skrifar 18. janúar 2016 17:06 Frosti Sigurjónsson, þingmaður Framsóknarflokks og formaður efnahags- og viðskiptanefndar, gerir athugasemdir við að Innviðafjárfestingabanki Asíu njóti skattfrelsis hér á landi og varar við áhrifum sem Kínverjar munu hafa innan bankans. Kína er stærsti hluthafinn í bankanum með um 26 prósenta hlut.Hvaða banki er þetta? Frosti var gestur í Harmageddon á X-inu í dag þar sem hann svaraði því meðal annars hvaða banka væri um að ræða. „Þetta er banki sem á að fjárfesta í innviðum í Asíu og Eyjaálfu, væntanlega brúm og vegum og kjarnorkuverum eða orkuverum og einhverju slíku sem nauðsynlegt er að koma upp þarna á þessu hraðvaxandi svæði,“ svaraði Frosti. Frosti sagði að um svokallaðan samfélagsbanka að ræða en sjálfur hefur hann vakið athygli fyrir þá afstöðu sína að vilja breyta Landsbankanum í samskonar banka. Hann sagði að markmiðið með stofnun bankans væri ekki að hámarka arðsemi eða hlut eigendanna. „Það er ekki fjárfestingatækifæri að leggja til hlutafé til bankans, alls ekki. Þá spyr maður hvers vegna erum við að gera þetta með almannafé á Íslandi? Hvers vegna erum við að gera þetta með gjaldeyri sem væri hægt að nota til annarra verkefna og leggja þarna inn? Ástæðurnar sem eru gefnar í þessum gögnum sem fylgir þessu er að þetta veki sýnileika Íslands í Asíu, að þetta sé eitthvað sem hjálpi íslenskum fyrirtækjum að eiga viðskipti í Asíu og koll af kolli,“ sagði hann. Frosti efast um og sagði það mjög vafasamt að ætla að þátttaka í stofnun bankans feli í sér viðskiptatækifæri fyrir íslensk fyrirtæki.Kínverjar með stóran hlut Frosti gerði einnig stóran eignarhlut Kínverja í bankanum að umtalsefni. „Það er annar banki til sem heitir Alþjóða fjárfestingabankinn, þar sem Bandaríkjamenn eiga 13 prósent og þeirra hlutur talinn ískyggilega hár þar og áhrif þeirra mikil en í þessum banka sem er verið að stofna þarna eru Kínverjar með 26 prósent, og starfa á öðru svæði. Hann mun ekkert starfa á okkar heimssvæði,“ sagði hann. „Þetta virðist vera einhver svona hjarðhegðun, ef öll Norðurlöndin gera þetta, ef einhver Evrópuríki gera þetta þá eigum við að gera þetta líka. En við verðum bara að hugsa sjálfstætt,“ sagði Frosti og bætti við: „Ég held að við eigum ekki að hegða okkur eins og sauðir í þessu. Við eigum líka að velta því fyrir okkur af hverju Bandaríkjamenn vilja ekki vera með, af hverju vilja Kanadamenn ekki vera með, af hverju eru 150 ríki sem ekki vera með?“ Um fimmtíu ríki ætla að taka þátt í stofnun bankans en þar á meðal eru öll ríki Vestur-Evrópu og Norðurlöndin.Gagnrýnir heimildir sem bankinn villFrosti gerði einnig athugasemdir við þær heimildir sem bankinn vill fá til umsvifa hér á landi. „Svona bankar vilja fá skattfrelsi fyrir alla starfsmenn, þeir vilja að stofnunin sjálf sé skattfrjáls hér á landi, ef kæmi til einhverra tekna hérna á Íslandi, hann fái bankareikning í Seðlabankanum og hann megi færa peninga inn og út af þessum reikningi án þess að gefa nokkrar upplýsingar um hvaða fé þetta er, Fjármálaeftirlitið megi ekki kalla eftir gögnum,“ sagði hann. Frosti segist efins um að smáþjóð eins og Ísland eigi að taka þátt í stofnun banka á borð við innviðafjárfestingabankann. „Við höfum engin áhrif á stjórn bankans eða stefnuna sem hann tekur. Þetta getur verið stórpólitískt fyrirbæri í framtíðinni. Við vitum alveg að Kínverjar eru kannski ekki alveg á sömu blaðsíðunni varðandi sjálfstæði vissra ríkja í nágrenni þeirra og annað slíkt. Við vitum ekki hvaða stefnu bankinn tekur varðandi umhverfismál. Í hverju ætlar hann að fjárfesta? Margt af þessu geta verið vandasöm mál og kannski betra fyrir smáþjóð eins og okkur að vera ekki að blanda okkur í þetta.“ Bjarni Benediktsson, fjármála- og efnahagsráðherra, var viðstaddur stofnfund bankans um helgina en Frosti sagði að honum þyki það bráðlæti að fara og skrifa undir stofnun bankans áður en að þingið sé búið að afgreiða málið endanlega á þinginu. „Það má ekki binda hendur þingsins,“ sagði hann. Alþingi Mest lesið Olís sektað um kvartmilljón vegna fullyrðinga um kolefnisjöfnun Neytendur Tíu prósenta tollur á færeyskar vörur Viðskipti erlent Seldi íbúðina og keypti Bitcoin í staðinn Viðskipti innlent Ferðum Play til London, Parísar og Berlínar „sjálfhætt“ Viðskipti innlent Hækkun tolla eins og þruma úr heiðskíru lofti Viðskipti innlent Tímabundin dreifing á sjónvarpsefni Sýnar hjá Símanum Viðskipti innlent Fyrsta íslenska grænkera ostagerðin í hættu Viðskipti innlent Forstjóraskipti hjá Ice-Group Viðskipti innlent Leist ekki á hagtölur og rak yfirmann stofnunarinnar Viðskipti erlent Hugmyndin fæddist þegar þær hittust óvænt í hlíðum Helgafells Viðskipti innlent Fleiri fréttir Tímabundin dreifing á sjónvarpsefni Sýnar hjá Símanum Hækkun tolla eins og þruma úr heiðskíru lofti Forstjóraskipti hjá Ice-Group Kísiltollar gætu vel endað fyrir gerðardómi Hvalur hf. stefnir íslenska ríkinu Arion hagnaðist um tíu milljarða á öðrum fjórðungi Ferðum Play til London, Parísar og Berlínar „sjálfhætt“ Festi hagnast umfram væntingar Þota Play komin úr viðgerð eftir skemmdir vegna hagléls Evrópa verði upp á Kína komin verði af tollunum Sigurður viðskiptastjóri innviðalausna hjá Ofar Hagnaður minnkar um 38 prósent og arðgreiðsla óákveðin Funda með ráðherra vegna tollanna: „Ég ætla ekki að setjast í neitt dómarasæti“ Á ég að greiða inn á lánið eða spara? Loksins, mathöllin og fleiri staðir fá nýja rekstraraðila „Við erum að bæta við atvinnustoð í samfélaginu“ Kristján og Leó kaupa Landsbankahúsið á tæpa þrjá milljarða Sjómönnum sagt upp: Skipulagsbreytingar vegna veiðigjalda Vaxtalækkun í ágúst sé nánast útilokuð Opnuðu loks Hygge eftir 245 daga bið Verðbólgan hjaðnar á ný Gáfust upp á Facebook og opna verslun fyrir notaðar íþróttavörur Endurskipuleggja reksturinn „í vinsemd og virðingu“ Tekjur jukust um helming milli ára Hátt í þrjátíu sagt upp hjá Play Gengið rétti lítillega úr kútnum en hefur aldrei verið lægra Róðurinn þungur en hefur ekki áhyggjur af Play HBO Max streymisveitan komin til Íslands Gengi Play í frjálsu falli Alþjóðlegt bílafyrirtæki kaupir Öskju og systurfélög Sjá meira
Frosti Sigurjónsson, þingmaður Framsóknarflokks og formaður efnahags- og viðskiptanefndar, gerir athugasemdir við að Innviðafjárfestingabanki Asíu njóti skattfrelsis hér á landi og varar við áhrifum sem Kínverjar munu hafa innan bankans. Kína er stærsti hluthafinn í bankanum með um 26 prósenta hlut.Hvaða banki er þetta? Frosti var gestur í Harmageddon á X-inu í dag þar sem hann svaraði því meðal annars hvaða banka væri um að ræða. „Þetta er banki sem á að fjárfesta í innviðum í Asíu og Eyjaálfu, væntanlega brúm og vegum og kjarnorkuverum eða orkuverum og einhverju slíku sem nauðsynlegt er að koma upp þarna á þessu hraðvaxandi svæði,“ svaraði Frosti. Frosti sagði að um svokallaðan samfélagsbanka að ræða en sjálfur hefur hann vakið athygli fyrir þá afstöðu sína að vilja breyta Landsbankanum í samskonar banka. Hann sagði að markmiðið með stofnun bankans væri ekki að hámarka arðsemi eða hlut eigendanna. „Það er ekki fjárfestingatækifæri að leggja til hlutafé til bankans, alls ekki. Þá spyr maður hvers vegna erum við að gera þetta með almannafé á Íslandi? Hvers vegna erum við að gera þetta með gjaldeyri sem væri hægt að nota til annarra verkefna og leggja þarna inn? Ástæðurnar sem eru gefnar í þessum gögnum sem fylgir þessu er að þetta veki sýnileika Íslands í Asíu, að þetta sé eitthvað sem hjálpi íslenskum fyrirtækjum að eiga viðskipti í Asíu og koll af kolli,“ sagði hann. Frosti efast um og sagði það mjög vafasamt að ætla að þátttaka í stofnun bankans feli í sér viðskiptatækifæri fyrir íslensk fyrirtæki.Kínverjar með stóran hlut Frosti gerði einnig stóran eignarhlut Kínverja í bankanum að umtalsefni. „Það er annar banki til sem heitir Alþjóða fjárfestingabankinn, þar sem Bandaríkjamenn eiga 13 prósent og þeirra hlutur talinn ískyggilega hár þar og áhrif þeirra mikil en í þessum banka sem er verið að stofna þarna eru Kínverjar með 26 prósent, og starfa á öðru svæði. Hann mun ekkert starfa á okkar heimssvæði,“ sagði hann. „Þetta virðist vera einhver svona hjarðhegðun, ef öll Norðurlöndin gera þetta, ef einhver Evrópuríki gera þetta þá eigum við að gera þetta líka. En við verðum bara að hugsa sjálfstætt,“ sagði Frosti og bætti við: „Ég held að við eigum ekki að hegða okkur eins og sauðir í þessu. Við eigum líka að velta því fyrir okkur af hverju Bandaríkjamenn vilja ekki vera með, af hverju vilja Kanadamenn ekki vera með, af hverju eru 150 ríki sem ekki vera með?“ Um fimmtíu ríki ætla að taka þátt í stofnun bankans en þar á meðal eru öll ríki Vestur-Evrópu og Norðurlöndin.Gagnrýnir heimildir sem bankinn villFrosti gerði einnig athugasemdir við þær heimildir sem bankinn vill fá til umsvifa hér á landi. „Svona bankar vilja fá skattfrelsi fyrir alla starfsmenn, þeir vilja að stofnunin sjálf sé skattfrjáls hér á landi, ef kæmi til einhverra tekna hérna á Íslandi, hann fái bankareikning í Seðlabankanum og hann megi færa peninga inn og út af þessum reikningi án þess að gefa nokkrar upplýsingar um hvaða fé þetta er, Fjármálaeftirlitið megi ekki kalla eftir gögnum,“ sagði hann. Frosti segist efins um að smáþjóð eins og Ísland eigi að taka þátt í stofnun banka á borð við innviðafjárfestingabankann. „Við höfum engin áhrif á stjórn bankans eða stefnuna sem hann tekur. Þetta getur verið stórpólitískt fyrirbæri í framtíðinni. Við vitum alveg að Kínverjar eru kannski ekki alveg á sömu blaðsíðunni varðandi sjálfstæði vissra ríkja í nágrenni þeirra og annað slíkt. Við vitum ekki hvaða stefnu bankinn tekur varðandi umhverfismál. Í hverju ætlar hann að fjárfesta? Margt af þessu geta verið vandasöm mál og kannski betra fyrir smáþjóð eins og okkur að vera ekki að blanda okkur í þetta.“ Bjarni Benediktsson, fjármála- og efnahagsráðherra, var viðstaddur stofnfund bankans um helgina en Frosti sagði að honum þyki það bráðlæti að fara og skrifa undir stofnun bankans áður en að þingið sé búið að afgreiða málið endanlega á þinginu. „Það má ekki binda hendur þingsins,“ sagði hann.
Alþingi Mest lesið Olís sektað um kvartmilljón vegna fullyrðinga um kolefnisjöfnun Neytendur Tíu prósenta tollur á færeyskar vörur Viðskipti erlent Seldi íbúðina og keypti Bitcoin í staðinn Viðskipti innlent Ferðum Play til London, Parísar og Berlínar „sjálfhætt“ Viðskipti innlent Hækkun tolla eins og þruma úr heiðskíru lofti Viðskipti innlent Tímabundin dreifing á sjónvarpsefni Sýnar hjá Símanum Viðskipti innlent Fyrsta íslenska grænkera ostagerðin í hættu Viðskipti innlent Forstjóraskipti hjá Ice-Group Viðskipti innlent Leist ekki á hagtölur og rak yfirmann stofnunarinnar Viðskipti erlent Hugmyndin fæddist þegar þær hittust óvænt í hlíðum Helgafells Viðskipti innlent Fleiri fréttir Tímabundin dreifing á sjónvarpsefni Sýnar hjá Símanum Hækkun tolla eins og þruma úr heiðskíru lofti Forstjóraskipti hjá Ice-Group Kísiltollar gætu vel endað fyrir gerðardómi Hvalur hf. stefnir íslenska ríkinu Arion hagnaðist um tíu milljarða á öðrum fjórðungi Ferðum Play til London, Parísar og Berlínar „sjálfhætt“ Festi hagnast umfram væntingar Þota Play komin úr viðgerð eftir skemmdir vegna hagléls Evrópa verði upp á Kína komin verði af tollunum Sigurður viðskiptastjóri innviðalausna hjá Ofar Hagnaður minnkar um 38 prósent og arðgreiðsla óákveðin Funda með ráðherra vegna tollanna: „Ég ætla ekki að setjast í neitt dómarasæti“ Á ég að greiða inn á lánið eða spara? Loksins, mathöllin og fleiri staðir fá nýja rekstraraðila „Við erum að bæta við atvinnustoð í samfélaginu“ Kristján og Leó kaupa Landsbankahúsið á tæpa þrjá milljarða Sjómönnum sagt upp: Skipulagsbreytingar vegna veiðigjalda Vaxtalækkun í ágúst sé nánast útilokuð Opnuðu loks Hygge eftir 245 daga bið Verðbólgan hjaðnar á ný Gáfust upp á Facebook og opna verslun fyrir notaðar íþróttavörur Endurskipuleggja reksturinn „í vinsemd og virðingu“ Tekjur jukust um helming milli ára Hátt í þrjátíu sagt upp hjá Play Gengið rétti lítillega úr kútnum en hefur aldrei verið lægra Róðurinn þungur en hefur ekki áhyggjur af Play HBO Max streymisveitan komin til Íslands Gengi Play í frjálsu falli Alþjóðlegt bílafyrirtæki kaupir Öskju og systurfélög Sjá meira