Jónína nýr for­stöðumaður hjá Olís

Í tilkynningu segir að starfið feli meðal annars í sér áframhaldandi þróun starfseminnar með áherslu á þjónustu, rekstrargæði og stöðuga framþróun smásölusviðsins. Undir ábyrgð hennar séu 21 verslun Olís um land allt þar sem starfi um þrjú hundruð starfsmenn.

Jónína hóf störf hjá Olís í ágúst 2025 sem rekstrarráðgjafi og tók við nýju hlutverki í febrúar 2026.

„Jónína kemur inn með mikla reynslu af rekstri, þjónustu, breytingastjórnun og virðiskeðjum. Hún kom til Olís frá Eimskip þar sem hún hefur gegnt ýmsum störfum, nú síðast starfi framkvæmdastjóra Eimskips Innanlands. Innanlandssviði tilheyra innanlandsflutningar og vörudreifing, vöruhúsa- og frystigeymslustarfsemin ásamt fasteignaumsjón. Áður hefur hún meðal annars gegnt störfum framkvæmdastjóra viðskipta og þjónustu hjá Terra umhverfisþjónustu og framkvæmdastjóra gæða og sjálfbærni hjá Heklu. Jónína sat jafnframt í stjórn Terra efnaeyðingar og sem stjórnarformaður Sæferða,“ segir í tilkynningunni. 

Jónína er með M.Sc. gráðu í ferlaverkfræði, stefnumótun og stjórnun frá Delft University of Technology í Hollandi, með sérstaka áherslu á flutninga- og vörustýringu, og B.Sc. gráðu í iðnaðarverkfræði frá Háskóla Íslands.