Umfjöllun, viðtöl og einkunnir: KR - ÍBV 3-3 | ÍBV missti niður unninn leik Guðmundur Marinó Ingvarsson á KR-vellinum skrifar 21. september 2014 00:01 KR og ÍBV skildu jöfn 3-3 í hörku leik á KR-vellinum í Pepsí deild karla í fótbolta í dag. Leikmenn létu erfiðar aðstæður ekki slá sig út af laginu. Það var greinilegt í upphafi leiks að KR hafði að engu að keppa og að ÍBV væri að berjast fyrir sæti sínu í Pepsí deildinni. Leikmenn ÍBV börðust eins og ljón og létu finna verulega fyrir sér á meðan KR voru lengi að komast í takt við leikinn. Það var hávaða rok og setti vindurinn töluverðan svip á leikinn. Baráttan varð ofan á og lítið um fallegt spil lengi vel.Jonathan Glenn kom ÍBV yfir úr vítaspyrnu á 8. mínútu leiksins en Gary Martin jafnaði fyrri KR einni mínútu fyrir hálfleik eftir frábæra fyrirgjöf Hauks Heiðars Haukssonar. Staðan í hálfleik var 1-1. Glenn skoraði annað mark sitt á tíundu mínútu seinni hálfleiks og var það í glæsilegri kantinum. Gunnar Þorsteinsson gaf fyrirgjöf frá hægri á Glenn sem skoraði með föstu skoti eftir bakfallsspyrnu. Eitt af fallegustu mörkum sumarsins og það í rokinu. Gunnar Þorsteinsson skoraði sjálfur þriðja mark ÍBV þegar 22 mínútur voru eftir af leiknum og ÍBV virtist ætla að tryggja sér mikilvægan sigur en þá vaknaði KR. KR lék mjög vel síðustu tuttugu mínútur leiksins. Liðið sótti án afláts og pressaði hátt. KR-ingar fundu hungrið sem sárlega vantaði lengi vel. Gary Martin var fyrir leikinn með tveimur mörkum minna en Jonathan Glenn í baráttunni um markakóngstitilinn og hélt Martin í horfinu þegar hann minnkaði muninn tólf mínútum fyrir leikslok. Martin gerði allt hvað hann gat til að ná þriðja markinu en það var félagi hans í framlínunni Emil Atlason sem skoraði jöfnunarmarkið skömmu fyrir leikslok. KR komst nær því að tryggja sér sigurinn en ÍBV hélt stiginu sem gæti reynst mikilvægt þegar uppi verður staðið í byrjun október. ÍBV er í 8. sæti með 22 stig, fjórum stigum meira en Fram í 11. sætinu þegar tvær umferðir eru eftir af mótinu. KR er í þriðja sæti og ljóst að þar mun liðið ljúka leik í sumar. Óskar Örn: Ánægður með keyrsluna síðustu tuttugu„Það varð einhver vakning þegar við lentum 3-1 undir og þá fóru menn upp á tærnar og settum tempó í þetta. Við áttum að klára þennan leik eftir að við jöfnuðum,“ sagði Óskar Örn Hauksson leikmaður KR. „Þetta hefur vantað í sumar, keyrslu á þetta. Ég var ánægður með keyrsluna síðustu tuttugu mínútur leiksins. Ég er ánægður með jafntefli úr því sem komið var. „Veðrið var eins og það var en við erum búnir að tala um þetta og ætlum að klára þetta mót eins og menn. Við ætluðum að vinna þennan leik og erum ekki sáttir en að ná stigi eftir að lenda 3-1 undir þegar það eru tuttugu mínútur eftir, við tökum það með í næsta leik,“ sagði Óskar sem segir KR-inga ákveðna í að láta leikinn frá því fyrir tveimur árum ekki endurtaka sig þegar KR gafst hreinlega upp í síðustu umferðunum. „Þá drulluðum við upp á bak í lokin þegar það fjaraði undan titlinum hjá okkur. Við erum meðvitaðir um það og ætlum ekki að láta það gerast í ár.“ Sigurður Ragnar: Líður eins og við höfum tapað„Við vorum komnir í frábæra stöðu til að vinna leikinn. Okkur líður svolítið eins og við höfum tapað þó við höfum fengið eitt mjög mikilvægt stig í baráttunni,“ sagði Sigurður Ragnar Eyjólfsson þjálfari ÍBV. „Þegar maður er 3-1 yfir og það er langt liðið inn í seinni hálfleikinn þá vill maður auðvitað taka öll stigin. Því miður tókst það ekki. „Við erum mest að spá í okkur sjálfa og eigum tvo mjög erfiða leiki eftir sem við ætlum að nálgast sem úrslitaleiki og taka eins mörg stig og við getum. Vonandi dugar það til að við spilum í Pepsí deildinni næsta sumar. „Við viljum auðvitað enda sem efst í deildinni. Liðið lenti í sjötta sæti í fyrra og við eigum fulla möguleika á að ná því aftur. Hvert stig telur og sérstaklega þegar þú kemur á erfiðan útivöll eins og KR-völlinn,“ sagði Sigurður Ragnar sem notað enga skiptingu í dag þrátt fyrir að það lægi á liðinu er leið á seinni hálfleikinn. „Mér fannst liðið mitt spila það vel og mér fannst gott jafnvægi á liðinu en við misstum þetta aðeins í restina og þá setti KR okkur undir mjög mikla pressu. Það varð of auðvelt fyrir þá að gefa fyrirgjafir inn í boxið okkar. Við þurfum að fara betur yfir hvernig við verjumst því,“ sagði Sigurður Ragnar sem sparaði ekki lofið á annað mark Jonathan Glenn í leiknum. „Ég held að þetta sé mark ársins. Það var ótrúlega vel gert hjá Jonathan. Hann er að kóróna frábæra spilamennsku í sumar. Mér finnst þetta besti senter landsins. Ég sagði það strax frá byrjun þó það hafi ekki allir haft trú á því en hann er virkilega að sýna það, kominn með 12 mörk í deildinni og þrjú í bikarnum. „Það er frábært þegar hann skorar mörk en hann verður í banni í næsta leik og mun ekki skora þá en vonandi nær hann að setja fleiri í síðasta leiknum,“ sagði Sigurður Ragnar en Glenn á tvö mörk á næstu menn í baráttunni um markakóngstitilinn. Pepsi Max-deild karla Mest lesið Telur að Valsmenn nenni ekki að dansa tangóinn hans Túfa til lengdar Íslenski boltinn Íslenskt hugvit á að umbylta golfheiminum Golf Stúkan: Óvenju miklar árásir eða viðkvæmari en aðrir Íslenski boltinn Svona var fundurinn fyrir tugmilljóna leikinn í Laugardal Íslenski boltinn Keane: „Arsenal er með hugarfar smáliðs“ Enski boltinn Ten Hag neitaði að kenna Eriksen um jöfnunarmarkið Fótbolti Neyddir í eina stystu rútuferð sögunnar Fótbolti Birkir á leið til Vals á nýjan leik Íslenski boltinn Stjóri West Ham meiddist gegn Liverpool og yfirgaf völlinn á hækjum Enski boltinn Kroos ætlaði að fara til United en svo var Moyes rekinn Enski boltinn Fleiri fréttir Birkir á leið til Vals á nýjan leik Svona var fundurinn fyrir tugmilljóna leikinn í Laugardal Gætu spilað um titilinn á sunnudegi í Víkinni Telur að Valsmenn nenni ekki að dansa tangóinn hans Túfa til lengdar Linda beindi Sammy Smith til Íslands: „Hugsaði mig ekki tvisvar um“ Stúkan: Óvenju miklar árásir eða viðkvæmari en aðrir Sjáðu glæsimörk táninga og Helga koma Víkingi á toppinn Heimir „hæstánægður með FH-liðið“ eftir 3-0 tap Uppgjörið: Víkingur - FH 3-0 | Meistararnir ekki í vandræðum í Víkinni „Draumur að spila fyrir uppeldisfélagið“ Uppgjörið: KA - HK 3-3 | Bikarþynnka í heimamönnum Óvíst hvort Tryggvi Hrafn verði meira með Val á leiktíðinni Óttast ekki bikarþynnku: „Alvöru sigurvegarar finna sér hvatningu“ Nablinn skellti sér á Kópavogsslaginn: „Leikurinn endar milljón tvö“ „Ótrúlega heilbrigður og flottur hópur“ Fram án þriggja gegn KR Mörkin úr Bestu: Sjáðu perlur Gylfa og Ísaks Hafi rætt við Rúnar og Börk og allir jafn undrandi Uppgjörið, viðtöl og myndir: Breiðablik - ÍA 2-0 | Afbragðsafgreiðsla Ísaks innsiglaði sigurinn „Algjör synd að við fengum ekkert út úr þessum leik“ Uppgjörið: Valur - Stjarnan 2-2 | Gylfi Þór jafnaði með stórkostlegu marki Hafa ekki heyrt frá Hearts: „Kom mér jafn mikið á óvart og þér“ Sjáðu ótrúlega sjö mínútna þrennu Smith og tvennu Nadíu Arnar sagður líklegur til að taka við í Skotlandi „Við Mosfellingar erum öðruvísi, við erum sérstakir“ Fyrirliðinn framlengir og tekur slaginn í Bestu deildinni Uppgjörið: Fjölnir - Afturelding 0-0 | Afturelding fer aftur á Laugardalsvöll Sér eftir að hafa valið Val fram yfir KR Uppgjörið og viðtöl: Fram - Fylkir 2-0 | Langþráður sigur Fram setur níu tær í efstu deild að ári Uppgjörið: KR - Vestri 2-2 | Guy Smit bjargaði stigi fyrir KR Sjá meira
KR og ÍBV skildu jöfn 3-3 í hörku leik á KR-vellinum í Pepsí deild karla í fótbolta í dag. Leikmenn létu erfiðar aðstæður ekki slá sig út af laginu. Það var greinilegt í upphafi leiks að KR hafði að engu að keppa og að ÍBV væri að berjast fyrir sæti sínu í Pepsí deildinni. Leikmenn ÍBV börðust eins og ljón og létu finna verulega fyrir sér á meðan KR voru lengi að komast í takt við leikinn. Það var hávaða rok og setti vindurinn töluverðan svip á leikinn. Baráttan varð ofan á og lítið um fallegt spil lengi vel.Jonathan Glenn kom ÍBV yfir úr vítaspyrnu á 8. mínútu leiksins en Gary Martin jafnaði fyrri KR einni mínútu fyrir hálfleik eftir frábæra fyrirgjöf Hauks Heiðars Haukssonar. Staðan í hálfleik var 1-1. Glenn skoraði annað mark sitt á tíundu mínútu seinni hálfleiks og var það í glæsilegri kantinum. Gunnar Þorsteinsson gaf fyrirgjöf frá hægri á Glenn sem skoraði með föstu skoti eftir bakfallsspyrnu. Eitt af fallegustu mörkum sumarsins og það í rokinu. Gunnar Þorsteinsson skoraði sjálfur þriðja mark ÍBV þegar 22 mínútur voru eftir af leiknum og ÍBV virtist ætla að tryggja sér mikilvægan sigur en þá vaknaði KR. KR lék mjög vel síðustu tuttugu mínútur leiksins. Liðið sótti án afláts og pressaði hátt. KR-ingar fundu hungrið sem sárlega vantaði lengi vel. Gary Martin var fyrir leikinn með tveimur mörkum minna en Jonathan Glenn í baráttunni um markakóngstitilinn og hélt Martin í horfinu þegar hann minnkaði muninn tólf mínútum fyrir leikslok. Martin gerði allt hvað hann gat til að ná þriðja markinu en það var félagi hans í framlínunni Emil Atlason sem skoraði jöfnunarmarkið skömmu fyrir leikslok. KR komst nær því að tryggja sér sigurinn en ÍBV hélt stiginu sem gæti reynst mikilvægt þegar uppi verður staðið í byrjun október. ÍBV er í 8. sæti með 22 stig, fjórum stigum meira en Fram í 11. sætinu þegar tvær umferðir eru eftir af mótinu. KR er í þriðja sæti og ljóst að þar mun liðið ljúka leik í sumar. Óskar Örn: Ánægður með keyrsluna síðustu tuttugu„Það varð einhver vakning þegar við lentum 3-1 undir og þá fóru menn upp á tærnar og settum tempó í þetta. Við áttum að klára þennan leik eftir að við jöfnuðum,“ sagði Óskar Örn Hauksson leikmaður KR. „Þetta hefur vantað í sumar, keyrslu á þetta. Ég var ánægður með keyrsluna síðustu tuttugu mínútur leiksins. Ég er ánægður með jafntefli úr því sem komið var. „Veðrið var eins og það var en við erum búnir að tala um þetta og ætlum að klára þetta mót eins og menn. Við ætluðum að vinna þennan leik og erum ekki sáttir en að ná stigi eftir að lenda 3-1 undir þegar það eru tuttugu mínútur eftir, við tökum það með í næsta leik,“ sagði Óskar sem segir KR-inga ákveðna í að láta leikinn frá því fyrir tveimur árum ekki endurtaka sig þegar KR gafst hreinlega upp í síðustu umferðunum. „Þá drulluðum við upp á bak í lokin þegar það fjaraði undan titlinum hjá okkur. Við erum meðvitaðir um það og ætlum ekki að láta það gerast í ár.“ Sigurður Ragnar: Líður eins og við höfum tapað„Við vorum komnir í frábæra stöðu til að vinna leikinn. Okkur líður svolítið eins og við höfum tapað þó við höfum fengið eitt mjög mikilvægt stig í baráttunni,“ sagði Sigurður Ragnar Eyjólfsson þjálfari ÍBV. „Þegar maður er 3-1 yfir og það er langt liðið inn í seinni hálfleikinn þá vill maður auðvitað taka öll stigin. Því miður tókst það ekki. „Við erum mest að spá í okkur sjálfa og eigum tvo mjög erfiða leiki eftir sem við ætlum að nálgast sem úrslitaleiki og taka eins mörg stig og við getum. Vonandi dugar það til að við spilum í Pepsí deildinni næsta sumar. „Við viljum auðvitað enda sem efst í deildinni. Liðið lenti í sjötta sæti í fyrra og við eigum fulla möguleika á að ná því aftur. Hvert stig telur og sérstaklega þegar þú kemur á erfiðan útivöll eins og KR-völlinn,“ sagði Sigurður Ragnar sem notað enga skiptingu í dag þrátt fyrir að það lægi á liðinu er leið á seinni hálfleikinn. „Mér fannst liðið mitt spila það vel og mér fannst gott jafnvægi á liðinu en við misstum þetta aðeins í restina og þá setti KR okkur undir mjög mikla pressu. Það varð of auðvelt fyrir þá að gefa fyrirgjafir inn í boxið okkar. Við þurfum að fara betur yfir hvernig við verjumst því,“ sagði Sigurður Ragnar sem sparaði ekki lofið á annað mark Jonathan Glenn í leiknum. „Ég held að þetta sé mark ársins. Það var ótrúlega vel gert hjá Jonathan. Hann er að kóróna frábæra spilamennsku í sumar. Mér finnst þetta besti senter landsins. Ég sagði það strax frá byrjun þó það hafi ekki allir haft trú á því en hann er virkilega að sýna það, kominn með 12 mörk í deildinni og þrjú í bikarnum. „Það er frábært þegar hann skorar mörk en hann verður í banni í næsta leik og mun ekki skora þá en vonandi nær hann að setja fleiri í síðasta leiknum,“ sagði Sigurður Ragnar en Glenn á tvö mörk á næstu menn í baráttunni um markakóngstitilinn.
Pepsi Max-deild karla Mest lesið Telur að Valsmenn nenni ekki að dansa tangóinn hans Túfa til lengdar Íslenski boltinn Íslenskt hugvit á að umbylta golfheiminum Golf Stúkan: Óvenju miklar árásir eða viðkvæmari en aðrir Íslenski boltinn Svona var fundurinn fyrir tugmilljóna leikinn í Laugardal Íslenski boltinn Keane: „Arsenal er með hugarfar smáliðs“ Enski boltinn Ten Hag neitaði að kenna Eriksen um jöfnunarmarkið Fótbolti Neyddir í eina stystu rútuferð sögunnar Fótbolti Birkir á leið til Vals á nýjan leik Íslenski boltinn Stjóri West Ham meiddist gegn Liverpool og yfirgaf völlinn á hækjum Enski boltinn Kroos ætlaði að fara til United en svo var Moyes rekinn Enski boltinn Fleiri fréttir Birkir á leið til Vals á nýjan leik Svona var fundurinn fyrir tugmilljóna leikinn í Laugardal Gætu spilað um titilinn á sunnudegi í Víkinni Telur að Valsmenn nenni ekki að dansa tangóinn hans Túfa til lengdar Linda beindi Sammy Smith til Íslands: „Hugsaði mig ekki tvisvar um“ Stúkan: Óvenju miklar árásir eða viðkvæmari en aðrir Sjáðu glæsimörk táninga og Helga koma Víkingi á toppinn Heimir „hæstánægður með FH-liðið“ eftir 3-0 tap Uppgjörið: Víkingur - FH 3-0 | Meistararnir ekki í vandræðum í Víkinni „Draumur að spila fyrir uppeldisfélagið“ Uppgjörið: KA - HK 3-3 | Bikarþynnka í heimamönnum Óvíst hvort Tryggvi Hrafn verði meira með Val á leiktíðinni Óttast ekki bikarþynnku: „Alvöru sigurvegarar finna sér hvatningu“ Nablinn skellti sér á Kópavogsslaginn: „Leikurinn endar milljón tvö“ „Ótrúlega heilbrigður og flottur hópur“ Fram án þriggja gegn KR Mörkin úr Bestu: Sjáðu perlur Gylfa og Ísaks Hafi rætt við Rúnar og Börk og allir jafn undrandi Uppgjörið, viðtöl og myndir: Breiðablik - ÍA 2-0 | Afbragðsafgreiðsla Ísaks innsiglaði sigurinn „Algjör synd að við fengum ekkert út úr þessum leik“ Uppgjörið: Valur - Stjarnan 2-2 | Gylfi Þór jafnaði með stórkostlegu marki Hafa ekki heyrt frá Hearts: „Kom mér jafn mikið á óvart og þér“ Sjáðu ótrúlega sjö mínútna þrennu Smith og tvennu Nadíu Arnar sagður líklegur til að taka við í Skotlandi „Við Mosfellingar erum öðruvísi, við erum sérstakir“ Fyrirliðinn framlengir og tekur slaginn í Bestu deildinni Uppgjörið: Fjölnir - Afturelding 0-0 | Afturelding fer aftur á Laugardalsvöll Sér eftir að hafa valið Val fram yfir KR Uppgjörið og viðtöl: Fram - Fylkir 2-0 | Langþráður sigur Fram setur níu tær í efstu deild að ári Uppgjörið: KR - Vestri 2-2 | Guy Smit bjargaði stigi fyrir KR Sjá meira