Handbolti

Óskar Bjarni vill sjá fleiri Valsmenn á vellinum

Þó svo Óskar Bjarni sé einstaklega líflegur og skemmtilegur á hliðarlínunni þá skilar það ekki nógu mörgum Valsmönnum á völlinn.
Þó svo Óskar Bjarni sé einstaklega líflegur og skemmtilegur á hliðarlínunni þá skilar það ekki nógu mörgum Valsmönnum á völlinn. vísir/daníel
Óskar Bjarni Óskarsson, aðstoðarþjálfari kvennaliðs Vals, var ekki ánægður með að stuðningsmenn Vals hefðu verið í minnihluta á leik Vals og Stjörnunnar í gær.

Þó svo Valsmenn hafi verið færri í stúkunni þá náðu Valskonur að tryggja sér oddaleik með sigri eftir framlengingu.

"Ég þakka þeim sem komu í kvöld þó að stúkan hafi verið blá (3/4 stúkunnar blá Valsheimaleik!!) þá heyrðist meira í ykkur," skrifaði Óskar Bjarni á Facebook eftir leikinn.

Þjálfarinn líflegi skorar á alla sem koma að íþróttum hjá félaginu að mæta á oddaleikinn á laugardag.

"Ég skora hér á mfl. karla í handbolta að mæta og styðja, skora hér á mfl. karla og kvenna í fótbolta að mæta. Ég skora hér einnig á mfl. karla og kvenna í körfu að mæta. Þjálfarar í mfl. stjórna þessu. Ágúst Björgvinsson, Helena Ólafsdóttir, Ragnar Óskarsson, Ólafur Stefánsson og Magnús Gylfason. Einnig skora ég hér á þjálfara í öllum deildum Vals fótbolta, handbolta og körfu að mæta með ykkar yngri flokk og styðja."

Nú er bara að bíða og sjá hverjir verða við kalli Óskars.

Olís-deild kvenna

Tengdar fréttir

Mest lesið


Fleiri fréttir

Sjá meira


×

Mest lesið