Lily Allen fílar Sigur Rós

Söngkonan Lily Allen segist oft hafa verið beðin um að koma fram í gestahlutverki í hinum geysivinsælu Game of Thrones þáttum en aldrei haft áhuga á því.

Eins og aðdáendum þáttanna er kunnugt um þá leikur litli bróðir söngkonunnar stórt hlutverk í þáttunum, hinn gæfulausa Theon Greyjoy. Kemur því ekki á óvart að aðstandendur Game of Thrones gjói augunum til Allen til þess að leika systur hans.

Sjálf segist Allen ekki hafa áhuga á því að leika í þáttunum en gæti hugsað sér að leika í stuttu tónlistaratriði í þáttunum á sama hátt og liðsmenn Sigur Rósar gerðu á dögunum.

Tónlistaratriði Sigur Rósar má sjá hér að neðan.