Alexander gefur ekki kost á sér

Aron Kristjánsson hefur tilkynnt 21 manns æfingahóp fyrir Evrópumótið í Danmörku í janúar. Alexander Petersson verður ekki með.

Landsliðsþjálfarinn staðfesti þessi tíðindi í samtali við Vísi fyrir stundu. Alexander hefur ekki náð sér fullkomlega góðum eftir að hafa gengist undir uppskurð síðastliðið sumar vegna axlarmeiðsla. Hann var ekki heldur með á HM á Spáni í janúar vegna axlarmeiðsla sinna.

Ljóst er að fjarvera Alexanders er mikil blóðtaka fyrir liðið enda er sá örvhenti öflugur í vörn sem sókn.

Daníel Freyr Ágústsson, Hreiðar Levy Guðmundsson, Ernir Hrafn Arnarson, Gunnar Steinn Jónsson, Guðmundur Árni Ólafsson og Atli Ævar Ingólfsson auk Alexanders detta út úr 28 manna hópnum sem tilkynntur var á dögunum.

Landsliðshópinn í heild sinni má sjá hér að neðan.

Markmenn:

Aron Rafn Eðvarðsson, Guif

Björgvin Páll Gústavsson, Die Bergische Handball Club

Aðrir leikmenn:

Arnór Atlason, St. Raphael

Aron Pálmarsson, Kiel

Árni Steinn Steinþórsson, Haukar

Arnór Þór Gunnarsson, Die Bergische Handball Club

Ásgeir Örn Hallgrímsson, Paris Handball

Bjarki Már Elísson, Eisenach

Bjarki Már Gunnarsson, Aue

Guðjón Valur Sigurðsson, THW Kiel

Kári Kristján Kristjánsson, Bjerringbro-Silkeborg

Ólafur Andrés Guðmundsson, Kristianstadt

Ólafur Gústafsson, Flensburg

Ólafur Bjarki Ragnarsson, Emsdetten

Róbert Gunnarsson, Paris Handball

Rúnar Kárason, Hannover-Burgdorf

Snorri Steinn Guðjónsson, GOG

Stefán Rafn Sigurmannsson, Rhein-Neckar Löwen

Sverre Andreas Jakobsson, TV Grosswallstadt

Vignir Svavarsson, TWD Minden

Þórir Ólafsson, KS Vive Targi Kielce