Wenger: Aaron Ramsey er alltaf að verða betri og betri

Aaron Ramsey átti enn einn stórleikinn í kvöld þegar hann skoraði bæði mörk Arsenal-liðsins í 2-0 sigri á Fenerbahce en hans menn komust þar sem í riðlakeppni Meistaradeildarinnar.

Knattspyrnustjórinn Arsene Wenger hrósaði líka velska miðjumanninum eftir leikinn en Ramsey hefur farið á kostum í upphafi tímabilsins.

„Hann er að spila sinn besta fótbolta á ferlinum af því að hann bætir sig á hverju ári. Hann er enn ungur leikmaður sem er að verða betri og betri," sagði Arsene Wenger við BBC.

„Sjálfstraustið er meira og það er að skipta sköpum. Fyrir ári síðan hefði hann ekki náð valdi á boltanum eins og í seinna markinu í kvöld. Hann vinnur markvisst í að bæta tæknina," sagði Wenger.

„Kannski líður honum betur af því að honum finnst að fólkið treysti honum betur núna," sagði Wenger.