Utan vallar: Bikarmeistararnir úr leik við fyrstu hindrun Kolbeinn Tumi Daðason skrifar 7. janúar 2012 08:00 Bikarmeistarar Manchester City taka á móti grönnum sínum í United í hádeginu á sunnudag í þriðju umferð ensku bikarkeppninnar í knattspyrnu. Eftir 1-6 niðurlæginguna á Old Trafford fyrr í vetur eru einhverjir farnir að líta á United sem litla liðið í Manchester. Heimamenn þykja í það minnsta líklegri til sigurs en enska bikarkeppnin hefur svo sannarlega boðið upp á óvænt úrslit í gegnum tíðina. Nítján ár eru liðin síðan „lítið" lið frá Manchester-svæðinu heimsótti þáverandi bikarmeistara og sló þá óvænt úr keppni. Stuðningsmenn Liverpool minnast þjálfaratíðar Graeme Souness ekkert sérstaklega vel. Sumir tengja hnignun óumdeilds stórveldis 9. áratugarins við Skotann skapstóra. Stuðningsmennirnir fögnuðu þó vel og innilega vorið 1992 þegar Liverpool vann 2-0 sigur á B-deildarliði Sunderland í úrslitum enska bikarsins á gamla Wembley. Bikarinn reyndist síðasti „stóri" bikarinn sem bættist í troðfulla verðlaunaskápana á Anfield í tæpan áratug. Óhætt er að segja að bikarvörnin árið eftir hafi ekki gengið eins og í sögu. Liverpool dróst á móti Bolton í 3. umferð keppninnar. Á þeim tíma léku lærisveinar Bruce Rioch í ensku C-deildinni og reiknuðu fáir með að liðið yrði nokkur fyrirstaða. Leikið var á Burnden Park, gamla heimavelli Bolton, þar sem verslunarmiðstöð stendur í dag. Heimamenn komust tveimur mörkum yfir í fyrri hálfleik og stuðningsmennirnir trúðu, skiljanlega, ekki sínum eigin augum. Liverpool náði þó að bjarga andlitinu í síðari hálfleik og jöfnunarmark Ian Rush tryggði bikarmeisturunum 2-2 jafntefli. Leikið yrði að nýju á Anfield sem hlaut að þýða að draumur Bolton-manna um sæti í 4. umferð væri úr sögunni. Eða hvað? Á Anfield sýndu gestirnir allar sínar bestu hliðar og spiluðu á köflum frábæran fótbolta. Skallamörk frá skosku framherjunum John McGinley og Andy Walker sitthvorumegin við leikhléið urðu til þess að landi þeirra í knattspyrnustjórastól Liverpool upplifði eitt sitt versta kvöld á Anfield. Sérstaklega skal minnst á frammistöðu kantmannsins David Lee sem átti örugglega besta leik ævi sinnar og lék sér endurtekið að varnarmönnum Liverpool. Bolton sló út B-deildarlið Wolves í næstu umferð áður en liðið lá gegn Derby County í 5. umferð. Undirritaður er meðvitaður um að vinni United 2-0 sigur á City á sunnudag muni sparkspekingar ekki missa hökuna í gólfið yfir úrslitunum líkt og 1993. Ár og dagar (1 ár og 17 dagar) eru hins vegar síðan City tapaði síðast á heimavelli og raunar hafa flest lið verið yfirspiluð á Etihad-vellinum síðan þar sem heimamenn virðast skora að vild. Sjálfstraust City er bullandi eftir upprúllun á Liverpool meðan vængbrotnir Englandsmeistararnir virðast þurfa á kraftaverki að halda eftir niðurlægjandi tap gegn Newcastle, þeirra annað í röð. Hvernig sem fer skyldi enginn líta á leikinn sem úrslitaleik í þessari elstu knattspyrnukeppni sögunnar. Það telst nefnilega saga til næsta bæjar takist liðum að verja titil sinn og hefur aðeins þrisvar gerst á síðustu þrjátíu árum. Sigur í leiknum er aðeins fyrsta skrefið af fimm á leiðinni á Wembley. Eitt misstig og ballið er búið. Enski boltinn Pistillinn Mest lesið Stórveldaslagur „upp á líf og dauða“ Íslenski boltinn Evrópa leiðir baráttuna um Ryder bikarinn Sport Potter rekinn frá West Ham Enski boltinn Dagskráin í dag: Ryder bikarinn, enski boltinn og baráttan í Bestu Sport Einföld aðgerð varð að fimm mánaða ferli Sport Ársbann frá fótbolta fyrir skjalafals Fótbolti Kane skoraði hundrað mörk á methraða Fótbolti Víkingur vann bikarinn úr aukaspyrnum Fótbolti NFL leikir á Maracanã næstu fimm árin Sport KA sótti sigur gegn stigalausu liði HK Handbolti Fleiri fréttir Potter rekinn frá West Ham Ekitike var ekki sektaður: „Það má gera mistök hjá þessu félagi“ Palmer frá næstu þrjár vikurnar Flottustu mörkin hjá Newcastle og Arsenal: Snilld Bergkamps og þrumufleygur Tiotés Man. Utd tryggir sér aftur táning frá S-Ameríku en fær hann ekki strax Látinn eftir höfuðhögg í leik Hvenær fær Lammens sénsinn hjá Man. Utd? Mun skrifa undir nýjan fimm ára samning við Arsenal Kristófer djarfur í Fantasy: Tuttugu mínusstig í síðustu tveimur umferðum „Ég væri dáinn ef hún væri ekki hér“ Synir Emile Heskey spiluðu saman í fyrsta sinn fyrir City Velskur slagur og meistarar mætast í sextán liða úrslitum Eze með fyrsta markið fyrir Arsenal Hjólhestur hjá Palhinha og markaveisla hjá Skjórunum Segir að Wirtz væri betur borgið hjá Bayern en Liverpool Ragnar er fyrir ofan bankastjórann í Fantasy-deild Kaupþings Ömurlegar fréttir fyrir unga Liverpool-nýliðann Sjáðu fyrsta mark Isak og ruglað rautt spjald Ekitike Utan vallar: Fjórða sætið, í alvöru? Wirtz alveg kominn með nóg af einni ráðleggingu Baðst afsökunar eftir algjöra „heimsku“ Ferðaðist nærri 9000 km og borgaði fúlgur fjár fyrir ógildan miða Lítur á McGinn sem vin eftir magnaða stund saman á Villa Park Sunnudagsmessan: Hver hefur komið mest á óvart? Ekitike tryggði sigurinn og fór beint í sturtu Barcelona vill fá Rashford á tombóluverði Madueke frá í tvo mánuði Rauðu djöflarnir geta ekki nýtt færin Rooney segir tölvuspil hafa hjálpað Man Utd á sínum tíma Segir Man. City hafa verið beitt ósanngirni fyrir stórleikinn Sjá meira
Bikarmeistarar Manchester City taka á móti grönnum sínum í United í hádeginu á sunnudag í þriðju umferð ensku bikarkeppninnar í knattspyrnu. Eftir 1-6 niðurlæginguna á Old Trafford fyrr í vetur eru einhverjir farnir að líta á United sem litla liðið í Manchester. Heimamenn þykja í það minnsta líklegri til sigurs en enska bikarkeppnin hefur svo sannarlega boðið upp á óvænt úrslit í gegnum tíðina. Nítján ár eru liðin síðan „lítið" lið frá Manchester-svæðinu heimsótti þáverandi bikarmeistara og sló þá óvænt úr keppni. Stuðningsmenn Liverpool minnast þjálfaratíðar Graeme Souness ekkert sérstaklega vel. Sumir tengja hnignun óumdeilds stórveldis 9. áratugarins við Skotann skapstóra. Stuðningsmennirnir fögnuðu þó vel og innilega vorið 1992 þegar Liverpool vann 2-0 sigur á B-deildarliði Sunderland í úrslitum enska bikarsins á gamla Wembley. Bikarinn reyndist síðasti „stóri" bikarinn sem bættist í troðfulla verðlaunaskápana á Anfield í tæpan áratug. Óhætt er að segja að bikarvörnin árið eftir hafi ekki gengið eins og í sögu. Liverpool dróst á móti Bolton í 3. umferð keppninnar. Á þeim tíma léku lærisveinar Bruce Rioch í ensku C-deildinni og reiknuðu fáir með að liðið yrði nokkur fyrirstaða. Leikið var á Burnden Park, gamla heimavelli Bolton, þar sem verslunarmiðstöð stendur í dag. Heimamenn komust tveimur mörkum yfir í fyrri hálfleik og stuðningsmennirnir trúðu, skiljanlega, ekki sínum eigin augum. Liverpool náði þó að bjarga andlitinu í síðari hálfleik og jöfnunarmark Ian Rush tryggði bikarmeisturunum 2-2 jafntefli. Leikið yrði að nýju á Anfield sem hlaut að þýða að draumur Bolton-manna um sæti í 4. umferð væri úr sögunni. Eða hvað? Á Anfield sýndu gestirnir allar sínar bestu hliðar og spiluðu á köflum frábæran fótbolta. Skallamörk frá skosku framherjunum John McGinley og Andy Walker sitthvorumegin við leikhléið urðu til þess að landi þeirra í knattspyrnustjórastól Liverpool upplifði eitt sitt versta kvöld á Anfield. Sérstaklega skal minnst á frammistöðu kantmannsins David Lee sem átti örugglega besta leik ævi sinnar og lék sér endurtekið að varnarmönnum Liverpool. Bolton sló út B-deildarlið Wolves í næstu umferð áður en liðið lá gegn Derby County í 5. umferð. Undirritaður er meðvitaður um að vinni United 2-0 sigur á City á sunnudag muni sparkspekingar ekki missa hökuna í gólfið yfir úrslitunum líkt og 1993. Ár og dagar (1 ár og 17 dagar) eru hins vegar síðan City tapaði síðast á heimavelli og raunar hafa flest lið verið yfirspiluð á Etihad-vellinum síðan þar sem heimamenn virðast skora að vild. Sjálfstraust City er bullandi eftir upprúllun á Liverpool meðan vængbrotnir Englandsmeistararnir virðast þurfa á kraftaverki að halda eftir niðurlægjandi tap gegn Newcastle, þeirra annað í röð. Hvernig sem fer skyldi enginn líta á leikinn sem úrslitaleik í þessari elstu knattspyrnukeppni sögunnar. Það telst nefnilega saga til næsta bæjar takist liðum að verja titil sinn og hefur aðeins þrisvar gerst á síðustu þrjátíu árum. Sigur í leiknum er aðeins fyrsta skrefið af fimm á leiðinni á Wembley. Eitt misstig og ballið er búið.
Enski boltinn Pistillinn Mest lesið Stórveldaslagur „upp á líf og dauða“ Íslenski boltinn Evrópa leiðir baráttuna um Ryder bikarinn Sport Potter rekinn frá West Ham Enski boltinn Dagskráin í dag: Ryder bikarinn, enski boltinn og baráttan í Bestu Sport Einföld aðgerð varð að fimm mánaða ferli Sport Ársbann frá fótbolta fyrir skjalafals Fótbolti Kane skoraði hundrað mörk á methraða Fótbolti Víkingur vann bikarinn úr aukaspyrnum Fótbolti NFL leikir á Maracanã næstu fimm árin Sport KA sótti sigur gegn stigalausu liði HK Handbolti Fleiri fréttir Potter rekinn frá West Ham Ekitike var ekki sektaður: „Það má gera mistök hjá þessu félagi“ Palmer frá næstu þrjár vikurnar Flottustu mörkin hjá Newcastle og Arsenal: Snilld Bergkamps og þrumufleygur Tiotés Man. Utd tryggir sér aftur táning frá S-Ameríku en fær hann ekki strax Látinn eftir höfuðhögg í leik Hvenær fær Lammens sénsinn hjá Man. Utd? Mun skrifa undir nýjan fimm ára samning við Arsenal Kristófer djarfur í Fantasy: Tuttugu mínusstig í síðustu tveimur umferðum „Ég væri dáinn ef hún væri ekki hér“ Synir Emile Heskey spiluðu saman í fyrsta sinn fyrir City Velskur slagur og meistarar mætast í sextán liða úrslitum Eze með fyrsta markið fyrir Arsenal Hjólhestur hjá Palhinha og markaveisla hjá Skjórunum Segir að Wirtz væri betur borgið hjá Bayern en Liverpool Ragnar er fyrir ofan bankastjórann í Fantasy-deild Kaupþings Ömurlegar fréttir fyrir unga Liverpool-nýliðann Sjáðu fyrsta mark Isak og ruglað rautt spjald Ekitike Utan vallar: Fjórða sætið, í alvöru? Wirtz alveg kominn með nóg af einni ráðleggingu Baðst afsökunar eftir algjöra „heimsku“ Ferðaðist nærri 9000 km og borgaði fúlgur fjár fyrir ógildan miða Lítur á McGinn sem vin eftir magnaða stund saman á Villa Park Sunnudagsmessan: Hver hefur komið mest á óvart? Ekitike tryggði sigurinn og fór beint í sturtu Barcelona vill fá Rashford á tombóluverði Madueke frá í tvo mánuði Rauðu djöflarnir geta ekki nýtt færin Rooney segir tölvuspil hafa hjálpað Man Utd á sínum tíma Segir Man. City hafa verið beitt ósanngirni fyrir stórleikinn Sjá meira