Snæfell sendir Shannon McKever heim

Shannon McKever, leikmaður kvennaliðs Snæfells í Iceland Express deild kvenna í körfubolta, er farin heim til Bandaríkjanna eftir að Snæfell rifti samningi við hana. Shannon þótti ekki standa undir væntingum sem farið var af stað með í upphafi samkvæmt frétt á heimasíðu Snæfells.

Snæfell leitar að nýjum bandarískum leikmanni í stað McKever en hún lék í stöðu miðherja í liðinu og var með 16,0 stig, 12,3 fráköst og 3,3 varin skot að meðaltali í leik í Lengjubikarnum.

Shannon McKever lék sinn síðasta leik á móti KR þar sem Snæfell tapaði með 29 stigum (49-78) þrátt fyrir að hún hafi verið með 12 stig, 12 fráköst og 5 vartin skot í leiknum.