Hlynur og Jakob þurfa að fara í oddaleik

Íslendingaliðinu Sundsvall Dragons gengur afar illa að hrista af sér Jämtland í átta liða úrslitum sænsku úrvalsdeildarinnar í körfuknattleik.

Jämtland lagði Sundsvall í kvöld, 78-75, og jafnaði um leið rimmu félaganna í 2-2. Þau þurfa því að mætast í oddaleik á heimavelli Sundsvall.

Jakob Örn Sigurðarson skoraði 19 stig fyrir Sundsvall og var stigahæstur í liðinu. Jakob gaf einnig átta stoðsendingar.

Hlynur Bæringsson skoraði 7 stig og tók 8 fráköst.

Helgi Már Magnússon skoraði 7 stig og tók 6 fráköst er lið hans, Uppsala, tapaði fyrir Södertalje og Uppsala er því undir, 2-1, í einvíginu.