Fanney: Þýðir ekkert að dvelja við þetta

„Þetta var allt annar leikur en í síðasta leik og við erum mjög ánægðar með það," sagði Fanney Lind Guðmundsdóttir, leikmaður Hamars eftir 83-47 sigur gegn Njarðvík í kvöld.

„Við erum auðvitað mjög ánægðar með þetta en það þýðir ekkert að dvelja við þennan leik. Við verðum bara að einbeita okkur að næsta leik, það er í raun bara hálfleikur núna og seinni hálfleikur er eftir,"

„Það kom góður kraftur í liðið, það var flott stemming og vorum vel stemmdar, við spiluðum hörku vörn og allir voru að spila vel. Við litum ekkert á stigatöfluna heldur spiluðum bara áfram og höfðum gaman af þessu," sagði Fanney.