Umfjöllun: Keflavík komið í úrslit eftir sigur gegn KR

Keflavík komst í kvöld í úrslitaeinvígið um Íslandsmeistaratitilinn í körfubolta eftir sigur, 70-62, gegn KR í DHL-höllinni, en þær unnu því einvígið 3-1. Marina Caran lék virkilega vel fyrir Keflavík í gær en hún skoraði 21 stig. Margrét Kara Sturludóttir var með 13 stig og 10 fráköst fyrir KR.



Stemmningin var fín í DHL-höllinni þegar KR-stúlkur tóku á móti Keflvíkingum í fjórða leik liðina í undanúrslitum Iceland Express deild kvenna, en fyrir leikinn var staðan í einvíginu var 2-1 fyrir Keflavík.



Keflvíkingar byrjuðu leikinn mjög vel og voru að hitta vel í körfuna. KR-ingar voru aftur á móti í vandræðum með að komast í gegn um vörn gestanna og fundu illa taktinn. Staðan var 24-14 eftir fyrsta fjórðunginn og Keflvíkingar í góðum málum.



Gestirnir hófu annan leikhluta rétt eins og þær enduðu þann fyrsta en leikmennirnir voru að finna hvorn annan vel. Þegar leið á fjórðunginn fóru KR-stúlkur hægt og rólega að saxa á forskot Keflvíkinga. Það leið ekki að löngu þangað til að heimstúlkur voru komnar yfir 34-29 eftir að hafa skorað tíu stig í röð. KR-liðið var að spila virkilega vel undir lok annars leikhluta og allt annar bragur á þeirra leik. Staðan í hálfleik var 34-32 fyrir heimastúlkur og leikurinn alveg galopinn.



KR byrjaði þriðja leikhlutann virkilega vel og náðu fljótlega ágætis forskoti þegar staðan var 45-38. Þá fóru gestirnir frá Keflavík í gang en eftir fínt áhlaup frá þeim komust þær aftur yfir í leiknum 47-45. Staðan fyrir loka fjórðunginn var 48-47 og gríðarleg spenna í DHL-höllinni.



Keflvíkingar hófu loka fjórðunginn sérstaklega vel og þær ætluðu sér greinilega að fara í úrslitaviðureignina, en þegar sex mínútur voru eftir af leiknum var staðan 57-48 fyrir gestina og KR ekki enn komið á blað í leikhlutanum. Þessi munur var of stór fyrir KR-inga og því unnu Keflvíkingar virkilega sætan sigur, 70-62, og eru komnar í úrslitaeinvígið þar sem þær mæta annaðhvort Njarðvík eða deildarmeisturunum í Hamri.



KR-Keflavík 62-70 (14-24, 20-8, 14-15, 14-23)

KR: Margrét Kara Sturludóttir 13/10 fráköst, Hildur Sigurðardóttir 11/5 fráköst, Melissa Ann Jeltema 10/6 fráköst, Guðrún Gróa Þorsteinsdóttir 8, Signý Hermannsdóttir 7, Sólveig Helga Gunnlaugsdóttir 7, Hafrún Hálfdánardóttir 4, Helga Einarsdóttir 2/7 fráköst.

Keflavík: Marina Caran 21, Birna Ingibjörg Valgarðsdóttir 14/5 fráköst, Pálína Gunnlaugsdóttir 13/5 fráköst, Bryndís Guðmundsdóttir 11/8 fráköst, Lisa Karcic 8/16 fráköst/3 varin skot, Ingibjörg Jakobsdóttir 3.