Schumacher dæmdur brotlegur, Mercedes áfrýjar

Dómarar Formúlu 1 mótsins í Mónakó dæmdu Michael Schumacher á Mercedes brotlegan í brautinni eftir keppnina, en hann fór framúr Fernando Alonso í síðustu beygjunni, eftir endurræsingu í blálokin.

Schumacher kom í endamark í sjötta sæti, en Alonso varð sjöundi.Schumacher var færður af dómurum úr sjötta sætinu sem hann náði af Alonso í það tólfta og fær þar með engin stig úr mótinu. Alonso færist hinsvegar upp í 75 stig, en Mark Webber og Sebastian Vettel eru efstir með 78 stig.

Mercedes hefur áfrýja ákvörðun dómaranna samkvæmt vefsetrinu autosport.com og FIA mun því þurfa skoða málið síðar. Mun áfrýjunardómstóll sambandsins taka málið fyrir. Ross Brawn, framkvæmdarstjóri liðsins telur greinilega að Schumacher hafi ekki brotið af sér. Hann vill meina að ný reglna í ár heimili atferli eins og Schumacher hafði í frammi og að Alonso hafi sofnað á verðinum.