Rooney: Við áttum sigurinn klárlega skilið

„Eftir að við komumst í 1-3 þá vorum við eina liðið á vellinum og við áttu sigurinn klárlega skilið. Það er því svekkjandi að við höfum fengið á okkur seinna markið því það heldur AC Milan inni í einvíginu," sagði Wayne Rooney í leikslok eftir 2-3 sigur Manchester United gegn AC Milan á San Siro-leikvanginum í Meistaradeild Evrópu í kvöld.

Rooney átti stórleik, sérstaklega í síðari hálfleik, en hann skoraði annað og þriðja mark United í leiknum.

Rooney hrósaði David Beckham í leikslok en hann var að spila sinn fyrsta leik gegn United síðan hann yfirgaf herbúðir félagsins fyrir sjö árum síðan.

„Hann er gæðaleikmaður. Hann býr yfir gríðarlegri leikreynslu og er frábær í að taka aukaspyrnur," sagði Rooney um Beckham sem féll í skuggan á hinum sjóðheita framherja United í kvöld.

Seinni leikur liðanna fer fram á Old Trafford-leikvanginum 10. mars.