Skógareldar í Ástralíu

Miklir eldar hafa geysað í Ástralíu undanfarna daga og hafa þeir valdið rafmagnsleysi víða um suðurhluta landsins. Rafmagnslaust hefur orðið á sjúkrahúsum og á vegakerfum. Talið er að allt að 200.000 manns hafi orðið rafmagnslaus.

Gríðarlegur hiti er einnig í Ástralíu um þessar mundir og er álag því enn meira en venjulega á þessum árstíma. Talsmenn raforkufyrirtækja segjast ekki vita hvenær rafmagni verði komið aftur á. Jafnvel er búist við því að skammta verði rafmagni í einhverja daga á meðan viðgerðum stendur.