Drukknir óku á vegrið í Svínahrauni

Fólksbíll með þremur ungum karlmönnum milli tvítugs og þrítugs keyrði utan í vegriðið milli hins umdeilda tveir plús einn vegar í Svínahrauni á Hellisheiði um sjöleytið í morgun. Við þetta skemmdust sex stikur og bíllinn skemmdist líka en vegriðið varnaði því að þeir færu yfir á hinn vegarhelminginn.

Bíll kom að piltunum og flutti þá að Litlu kaffistofunni, sem reyndar var lokuð svo árla morguns, en þangað sótti lögreglan á Selfossi mennina þrjá. Þeir voru fluttir á lögreglustöðina á Selfossi þar sem tekin voru blóð- og þvagsýni enda voru þeir allir grunaðir um ölvun. Auk þess hafði lögregla ástæðu til að ætla að piltarnir hafi verið undir áhrifum ólöglegra fíkniefna.

.