Beckham kom til þess að spila fótbolta

Eigendur fótboltaliðsins LA Galaxy hafa í dag varið þá ákvörðun sína að semja við David Beckham en margir vilja meina að sú ákvörðun sé ekki tekin vegna hæfileika hans í knattspyrnu. Samningurinn sem var gerður við Beckham er 18 milljarða virði.

„Hann er að koma hingað til þess að vera knattspyrnumaður, ekki til þess að gera sig og Victoriu að konungi og drottningu Hollywood." sagði Tim Leiweke, forseti íþrótta- og skemmtanarisans AEG sem á LA Galaxy. Beckham talaði meðal annars við Tom Cruise til þess að forvitnast um lífið í Hollywood og hvort hann ætti að fara til Los Angeles en hann og Beckham eru miklir vinir og segir Beckham að Cruise sé mjög vitur maður.