Ætla ekki að ráðast á Íran

Bandaríkin neituðu því í dag að þeir væru að undirbúa árásir gegn Íran og Sýrlandi þrátt fyrir að George W. Bush hafi varað löndin sterklega við á miðvikudaginn var. Þá sakaði hann stjórnvöld í löndunum tveim um að leyfa hryðjuverkamönnum að nota lönd sín sem grunnbúðir við árásir í Írak.

Þingmenn í Bandaríkjunum hafa lýst yfir áhyggjum af því að stríðið í Írak gæti breiðst út til nágrannalanda Íraks ef bandarískir hermenn færu að elta grunaða hryðjuverkamenn yfir landamæri ríkjanna. Talsmaður Hvíta hússins sagði að það væri ekkert til í því að Bush hefði verið að undibúa jarðveginn fyrir stríð við annað hvort Íran eða Sýrland og tók fram að það væru engar áætlanir til um slíkt.