Lausn fyrir leiðindapúka

Í nútímasamfélagi má finna lausn á öllum sköpuðum hlutum. Meira að segja því að vera drepleiðinlegur frá náttúrunnar hendi. Stjórnendur og aðrir þeir sem eiga við þetta hvimleiða vandamál að stríða geta skráð sig á námskeið hjá Stjórnunarfélagi Íslands sem hin drepfyndna Edda Björgvinsdóttir stendur fyrir. Edda, sem þekkir allar krókaleiðir að húmornum, býður leiðindapúkum aðstoð sína. Fullyrt er að með húmorinn að vopni geti þeir auðgað líf sitt og átt gjöful mannleg samskipti í framtíðinni með bros á vör.