Fékk gæsahúð þegar ég heyrði afmælissönginn 26. júlí 2006 15:43 Markadrottningin Margrét Lára Viðarsdóttir stefnir á að komast í atvinnumennsku í Þýskalandi Mynd/Hari Margrét Lára Viðarsdóttir hélt upp á tvítugsafmælið sitt með stæl í gærkvöldi þegar hún skoraði hvorki meira né minna en sjö mörk þegar Valur burstaði Fylki í Landsbankadeild kvenna. Hópur stuðningsmanna Valsliðsins söng afmælissönginn fyrir hana eftir leikinn, en Margrét skorar tæp þrjú mörk að meðaltali í leik í sumar sem er tölfræði sem hvaða handboltamaður gæti verið stoltur af. "Það var frábært að fá 30-40 manna kór til að syngja fyrir sig afmælissönginn fyrir sig eftir leikinn og ekki laust við að ég hafi fengið gæsahúð," sagði Margrét Lára, sem á von á gríðarlega harðri baráttu milli toppliðanna á lokasprettinum í deildinni. "Blikarnir eru á mjög góðu skriði núna eins og sást á stórsigri þeirra í gær og svo finnst mér KR vera að spila betur og betur. Við mætum KR í bikarnum á föstudaginn og það verður hörkuleikur, en hvað deildina varðar viljum við gera allt sem í okkar valdi stendur til að reyna að tryggja okkur titilinn sem fyrst," sagði Margrét Lára, sem hefur skorað 29 mörk í 10 leikjum í sumar og stefnir hraðbyri á markametið í deildinni, sem er 32 mörk. Margrét segist stefna á að reyna fyrir sér ytra í framtíðinni og segir Þýskaland vera efst á óskalistanum. "Ég útskrifaðist úr framhaldsskóla í vor en hef ekki sett stefnuna á að byrja í háskóla alveg strax. Það væri gaman að geta komist að hjá góðu liði úti og ég vona að ég geti tekið mér smá tíma til að læra nýtt tungumál áður en ég held svo áfram í skóla. Mér líst rosalega vel á Þýskaland, en sænska og enska deildin eru líka alltaf að verða sterkari," segir Margrét og bætir því við að hún hafi ekki miklar áhyggjur af áhuga annara liða sem stendur, því hún vilji einbeita sér að því að klára tímabilið með Val. Undanfarið hefur Landsbankadeild kvenna verið nokkuð í umræðunni vegna þess hve gríðarlegt bil er á milli getu bestu og lakari liðanna í deildinni og komið hefur upp sú tillaga að fækka liðunum í efstu deild. Margrét Lára telur það ekki endilega vera lausnina. "Að mínu mati er þetta meira spurning um að koma bestu leikmönnunum að hjá liðum erlendis, því ég held að það myndi reynast dýrmætt fyrir landsliðið ef okkar bestu leikmenn væru að spila í sterkari deildum. Það er auðvitað ekki gaman að vera í liði sem er að tapa stórt leik eftir leik, en ég man nú eftir því þegar ég var með ÍBV og við vorum að tapa 7-0 fyrir KR. Það varð bara til þess að gera mann ákveðnari og staðráðnari í að bæta sig og bæta liðið. Það sem mér finnst líka virðingarvert hjá þessum liðum í deildinni í dag er að þau eru ekkert að pakka í vörn og verjast. Það reyna öll liðin í deildinni að spila fótbolta og það finnst mér gott mál, " sagði Margrét sem segir draum sinn vera að komast á stórmót með landsliðinu. "Ég sjálf á mér draum um að komast að hjá sterku atvinnumannaliði og geta lifað á því að spila fótbolta, en það er auðvitað draumurinn að komast á stórmót með landsliðinu. Það er draumur hvers leikmanns að fá tækifæri til að spila á stórmóti og við konurnar eigum kannski aðeins betri möguleika á því fljótlega en strákarnir," sagði Margrét Lára og glotti. Íslenski boltinn Innlendar Íþróttir Pepsi Max-deild kvenna Mest lesið 32 ára lögreglukona átti sögulegan klukkutíma Sport „Eins og Ísland en bara enn betra“ Fótbolti Jack Nicklaus fær sex milljarða í meiðyrðamáli Golf Dæmdur úr leik á grátlegan hátt á HM í bakgarði Sport Hrósaði unga Íslendingnum: „Gæti orðið okkar jóker“ Fótbolti Albert valdi leikmenn Man. United sem hann þolir ekki Enski boltinn Sigurbjörn gæti snúið aftur til starfa: „Það kemur bara í ljós á næstu dögum“ Sport „Veistu hvað leikmaðurinn sagði við mig?“ Íslenski boltinn Breyta reglum eftir brellu Stjörnunnar Körfubolti Ótrúlegt kast Pope vekur athygli Fótbolti Fleiri fréttir Pedersen með landsliðið til 2029 Tímamót Dags Kára en Japaninn varð heimsmeistari Rýndu í lið Bjarna og Guðlaugs: „Eins og í formannsslagnum um árið“ Framlengdu í leyni eftir bannið Breyta reglum eftir brellu Stjörnunnar Hjartavandamál halda Reyni frá keppni „Veistu hvað leikmaðurinn sagði við mig?“ „Ég þarf bara að láta verkin tala“ Ótrúlegt kast Pope vekur athygli Sigurbjörn gæti snúið aftur til starfa: „Það kemur bara í ljós á næstu dögum“ Stórar breytingar á Evrópukeppnum í handbolta Sjáðu sögulegt mark Viktors Bjarka og öll hin í Meistaradeild Evrópu „Eins og Ísland en bara enn betra“ Hrósaði unga Íslendingnum: „Gæti orðið okkar jóker“ Albert valdi leikmenn Man. United sem hann þolir ekki 32 ára lögreglukona átti sögulegan klukkutíma Dagskráin: Meistaradeild Evrópu og Körfuboltakvöld Troðslur og Braveheart fagn í Kemi tilþrifum umferðarinnar Dæmdur úr leik á grátlegan hátt á HM í bakgarði Jack Nicklaus fær sex milljarða í meiðyrðamáli Uppgjörið: Grindavík-Stjarnan 79-66 | Frábær fjórði hjá Grindavík Viktor sá þriðji yngsti í sögu Meistaradeildarinnar „Þetta var erfiður sigur hjá okkur“ Nýliðar KR stöðvuðu sigurgöngu Njarðvíkur og fyrsti sigurinn í 65 ár Newcastle burstaði Mourinho, Napoli steinlá og meistararnir skoruðu sjö Viktor Bjarki skoraði í Meistaradeildinni í kvöld Arsenal fór illa Atletico í seinni hálfleik Haaland skorar og skorar og Man City heldur áfram að vinna Framarar töpuðu aftur á heimavelli í Evrópudeildinni Íslandmeistari í bráðabirgðabann hjá Lyfjaeftirlitinu Sjá meira
Margrét Lára Viðarsdóttir hélt upp á tvítugsafmælið sitt með stæl í gærkvöldi þegar hún skoraði hvorki meira né minna en sjö mörk þegar Valur burstaði Fylki í Landsbankadeild kvenna. Hópur stuðningsmanna Valsliðsins söng afmælissönginn fyrir hana eftir leikinn, en Margrét skorar tæp þrjú mörk að meðaltali í leik í sumar sem er tölfræði sem hvaða handboltamaður gæti verið stoltur af. "Það var frábært að fá 30-40 manna kór til að syngja fyrir sig afmælissönginn fyrir sig eftir leikinn og ekki laust við að ég hafi fengið gæsahúð," sagði Margrét Lára, sem á von á gríðarlega harðri baráttu milli toppliðanna á lokasprettinum í deildinni. "Blikarnir eru á mjög góðu skriði núna eins og sást á stórsigri þeirra í gær og svo finnst mér KR vera að spila betur og betur. Við mætum KR í bikarnum á föstudaginn og það verður hörkuleikur, en hvað deildina varðar viljum við gera allt sem í okkar valdi stendur til að reyna að tryggja okkur titilinn sem fyrst," sagði Margrét Lára, sem hefur skorað 29 mörk í 10 leikjum í sumar og stefnir hraðbyri á markametið í deildinni, sem er 32 mörk. Margrét segist stefna á að reyna fyrir sér ytra í framtíðinni og segir Þýskaland vera efst á óskalistanum. "Ég útskrifaðist úr framhaldsskóla í vor en hef ekki sett stefnuna á að byrja í háskóla alveg strax. Það væri gaman að geta komist að hjá góðu liði úti og ég vona að ég geti tekið mér smá tíma til að læra nýtt tungumál áður en ég held svo áfram í skóla. Mér líst rosalega vel á Þýskaland, en sænska og enska deildin eru líka alltaf að verða sterkari," segir Margrét og bætir því við að hún hafi ekki miklar áhyggjur af áhuga annara liða sem stendur, því hún vilji einbeita sér að því að klára tímabilið með Val. Undanfarið hefur Landsbankadeild kvenna verið nokkuð í umræðunni vegna þess hve gríðarlegt bil er á milli getu bestu og lakari liðanna í deildinni og komið hefur upp sú tillaga að fækka liðunum í efstu deild. Margrét Lára telur það ekki endilega vera lausnina. "Að mínu mati er þetta meira spurning um að koma bestu leikmönnunum að hjá liðum erlendis, því ég held að það myndi reynast dýrmætt fyrir landsliðið ef okkar bestu leikmenn væru að spila í sterkari deildum. Það er auðvitað ekki gaman að vera í liði sem er að tapa stórt leik eftir leik, en ég man nú eftir því þegar ég var með ÍBV og við vorum að tapa 7-0 fyrir KR. Það varð bara til þess að gera mann ákveðnari og staðráðnari í að bæta sig og bæta liðið. Það sem mér finnst líka virðingarvert hjá þessum liðum í deildinni í dag er að þau eru ekkert að pakka í vörn og verjast. Það reyna öll liðin í deildinni að spila fótbolta og það finnst mér gott mál, " sagði Margrét sem segir draum sinn vera að komast á stórmót með landsliðinu. "Ég sjálf á mér draum um að komast að hjá sterku atvinnumannaliði og geta lifað á því að spila fótbolta, en það er auðvitað draumurinn að komast á stórmót með landsliðinu. Það er draumur hvers leikmanns að fá tækifæri til að spila á stórmóti og við konurnar eigum kannski aðeins betri möguleika á því fljótlega en strákarnir," sagði Margrét Lára og glotti.
Íslenski boltinn Innlendar Íþróttir Pepsi Max-deild kvenna Mest lesið 32 ára lögreglukona átti sögulegan klukkutíma Sport „Eins og Ísland en bara enn betra“ Fótbolti Jack Nicklaus fær sex milljarða í meiðyrðamáli Golf Dæmdur úr leik á grátlegan hátt á HM í bakgarði Sport Hrósaði unga Íslendingnum: „Gæti orðið okkar jóker“ Fótbolti Albert valdi leikmenn Man. United sem hann þolir ekki Enski boltinn Sigurbjörn gæti snúið aftur til starfa: „Það kemur bara í ljós á næstu dögum“ Sport „Veistu hvað leikmaðurinn sagði við mig?“ Íslenski boltinn Breyta reglum eftir brellu Stjörnunnar Körfubolti Ótrúlegt kast Pope vekur athygli Fótbolti Fleiri fréttir Pedersen með landsliðið til 2029 Tímamót Dags Kára en Japaninn varð heimsmeistari Rýndu í lið Bjarna og Guðlaugs: „Eins og í formannsslagnum um árið“ Framlengdu í leyni eftir bannið Breyta reglum eftir brellu Stjörnunnar Hjartavandamál halda Reyni frá keppni „Veistu hvað leikmaðurinn sagði við mig?“ „Ég þarf bara að láta verkin tala“ Ótrúlegt kast Pope vekur athygli Sigurbjörn gæti snúið aftur til starfa: „Það kemur bara í ljós á næstu dögum“ Stórar breytingar á Evrópukeppnum í handbolta Sjáðu sögulegt mark Viktors Bjarka og öll hin í Meistaradeild Evrópu „Eins og Ísland en bara enn betra“ Hrósaði unga Íslendingnum: „Gæti orðið okkar jóker“ Albert valdi leikmenn Man. United sem hann þolir ekki 32 ára lögreglukona átti sögulegan klukkutíma Dagskráin: Meistaradeild Evrópu og Körfuboltakvöld Troðslur og Braveheart fagn í Kemi tilþrifum umferðarinnar Dæmdur úr leik á grátlegan hátt á HM í bakgarði Jack Nicklaus fær sex milljarða í meiðyrðamáli Uppgjörið: Grindavík-Stjarnan 79-66 | Frábær fjórði hjá Grindavík Viktor sá þriðji yngsti í sögu Meistaradeildarinnar „Þetta var erfiður sigur hjá okkur“ Nýliðar KR stöðvuðu sigurgöngu Njarðvíkur og fyrsti sigurinn í 65 ár Newcastle burstaði Mourinho, Napoli steinlá og meistararnir skoruðu sjö Viktor Bjarki skoraði í Meistaradeildinni í kvöld Arsenal fór illa Atletico í seinni hálfleik Haaland skorar og skorar og Man City heldur áfram að vinna Framarar töpuðu aftur á heimavelli í Evrópudeildinni Íslandmeistari í bráðabirgðabann hjá Lyfjaeftirlitinu Sjá meira