Kekic hættur hjá Grindavík

Hinn fjölhæfi leikmaður Sinisa Kekic, sem leikið hefur með Grindvíkingum í Landsbankadeildinni undanfarin ár, hefur spilað sinn síðasta leik fyrir félagið. Kekic lenti í deilum við þjálfarann Sigurð Jónsson á dögunum, en Sigurður staðfesti þessi tíðindi á fréttavef Víkurfrétta síðdegis í dag.

Ljóst er að Kekic mun eflaust verða eftirsóttur þegar hann fer frá Grindavík, enda verið einn allra besti leikmaður í efstu deild hérlendis undanfarin ár, þó hann sé kominn af allra léttasta skeiði.