Stórleikur Detroit og Cleveland í beinni

Það verður sannkallaður stórleikur í beinni útsendingu úr NBA körfuboltanum á Sýn í kvöld þar sem efsta lið deildarinnar Detroit Pistons tekur á móti LeBron James og félögum í Cleveland Cavaliers. Leikurinn er merkilegur fyrir þær sakir að sigur í kvöld þýðir að Detroit setur félagsmet yfir flesta sigra á einu tímabili, en sigur fer líka mjög langt með að tryggja liðinu heimavallarréttin alla leið í úrslitakeppninni sem hefst fljótlega.

Ekki er að eins miklu að keppa fyrir lið Cleveland sem siglir lygnan sjó og er öruggt í úrslitakeppnina, en þrátt fyrir það hefur hinn ungi LeBron James ekkert slakað á í undanförnum leikjum og er að spila hreint út sagt stórkostlega. Það má því fastlega reikna með góðum leik á Sýn í kvöld og hefst útsending klukkan 23:50.