Milan - Lyon í beinni á Sýn

Tveir leikir fara fram í 8-liða úrslitum Meistaradeildar Evrópu í kvöld og verða þeir báðir sýndir í beinni útsendingu á Sýn og Sýn Extra. Leikur Milan og Lyon er í beinni á Sýn og hefst útsending þar klukkan 18:30 og á sama tíma hefst bein útsending frá leik Villareal og Inter á Sýn Extra.

AC Milan bindur miklar vonir við Meistaradeildina eftir að liðið nánast féll úr leik í baráttunni um ítalska meistaratitilinn um helgina, þegar hálfgert varalið félagsins beið lægri hlut fyrir Lecce. Fyrri leik Milan og Lyon lauk með markalausu jafntefli. Fyrri leik Inter og Villareal lauk með sigri ítalska liðsins 2-1, en ljóst er að spænska liðið mun selja sig dýrt á heimavelli sínum í kvöld.