Elstu leikfangagerð Bretlands lokað

Breski leikfangaframleiðandinn Merrythought hefur verið lýstur gjaldþrota. Fyrirtækið, sem stofnað var árið 1930, er eitt elsta fyrirtækið í Bretlandi í þessum geira og hefur verið í eigu sömu fjölskyldu frá upphafi.

Á meðal helstu leikfanga fyrirtækisins eru rugguhestar og önnur leikföng fyrir börn, sem fyrirtækið seldi í verslunum Harrods og John Lewis.

Oliver Holmes, forstjóri Merrythought og barnabarn stofnandans, segir í samtali við breska dagblaðið The Guardian að fyrirtækið hafi orðið fórnarlamb vegna vegna innflutnings á ódýrum vörum.

„Þetta er sorgardagur," sagði hann og benti á að hæfileikaríkir einstaklingar myndu missa vinnuna. Þá mun verksmiðju fyrirtækisins í Shropskíri í Bretlandi sömuleiðis verða lokað og eignir þess seldar upp í skuldir í næsta mánuði.