Landsliðsfyrirliði í læknisleik 30. apríl 2005 00:01 Einari Logi Vignisson skrifar alltaf um boltann í suður-Evrópu í Fréttablaðinu á sunnudögum. Að þessi fjallar hann um dópið á Ítalíu sem er leikmönnum enn hættulegri en samkvæmisdópið. Alltaf hefur setið í mér setningin úr Drugstore Cowboy, raunsæju eiturlyfjadrama Gus Van Sant, þegar höfuðpersónan leikin af Matt Dillon segir um karakter William S. Burroughs að hann hafi skotið minnst miljón dollara virði af heróíni í handlegginn á sér um ævina. Skelfilegt er að hugsa til þess hvað fólk sem ánetjast eitrinu þarf að leggja á sig til þess að fjármagna neysluna og verður áhrifameira þegar hugsað er til þess að óskýr mörk eru á milli persónunnar sem rithöfundurinn Burroughs leikur í myndinni og hans sjálfs en þessi konungur ofskynjunarbókmenntanna barðist alla ævi við gríðarlega fíkn og eyddi lunganum af tekjum sínum í eitur af ýmsum sortum. Ofangreindar hugleiðingar um fjármögnunarkostnað fíknarinnar komu upp í kolli mínum í vikunni þegar ég las langa úttekt í ítölsku sportblaði um áætlaðan lyfjakostnað ítölsku knattspyrnuliðanna síðustu árin. Tölurnar eru svo háar að mann grunaði að ítalskir reiknuðu ennþá í lírum en ekki evrum. Sláandi var hversu nákvæmar og ábyggilegar niðurstöðurnar eru, meðalliðið fer með jafn mikið fé í lyfjakaup og læknar á meðalheilsugæslustöð þar í landi skrifa út sínum sjúklingum til handa á einu ári. Innan við þrjátíu fullfrískir karlmenn þurfa sumsé jafnmikið af hinum og þessum lyfjum að halda og nokkur þúsund venjulegra borgara! Leggur settur upp í Moskvu Víst er að þessir drengir fá ekki ódýrustu sortirnar og ekki spáð í ríkisniðurgreiðslur þegar læknar liðanna leggjast í skottulækningar sínar í leitinni að undrakokkteilnum. Nánast vísindaskáldskaparbragur á listanum yfir lyfin, ekki einungis sterar og pepperar í hávegum heldur úrval úr sérlyfjaskránni með áherslu á gigtarlyf, þunglyndislyf, lyf gegn vöðvarýrnun og hjartalyf. Síðastnefndi lyfjaflokkurinn hefur fengið mikla umfjöllun eftir að ítalska ríkissjónvarpið sýndi á fimmtudagskvöldið myndskeið þar sem Fabio Cannavaro, leikmaður Juventus og landsliðsfyrirliði Ítala, sést fá lyfið Neoton gefið í æð daginn fyrir úrslitaleikinn í Evrópukeppni félagsliða 1999 en Cannavaro lék þá með Parma sem mætti Marseille í Moskvu og sigraði 3-0. Neoton er lyf sem jafnan er notað þegar hjartaaðgerðir eru framkvæmdar en læknar Parma virðast hafa gert sér grein fyrir einhverjum gagnlegum áhrifum fyrir leikmennina eða hreinlega treyst á nafnið sem er dregið af því sem heitir á máli líffræðinnar að viðhalda einhverjum einkennum æskuskeiðs á fullorðinsaldri. Myndskeið þetta mun hafa verið tekið á upptökuvél Cannavaros sjálfs og sýnir leikmenn Parma skríkja og skemmta sér í læknisleik þar sem aðalsportið var að setja upp legg fyrir fyrirliðann, sem síðan nýtur lyfjagjafarinnar og fer með gamanmál á meðan. Einhvern veginn rataði þessi kostulega upptaka í hendur manna sem sáu ástæðu til þess að koma spólunni til ríkissjónvarpsins. Lögfræðingar Cannavaros reyndu án árangurs að fá birtinguna stöðvaða en hafa haldið uppi miklum vörnum enda getur málið skaðað ímynd hans mjög. Þeir hafa bent á að atriðið sé algjörlega slitið úr samhengi og lyfið sé auk þess ekki á bannlista alþjóða knattspyrnusambandsins og því ekkert óeðlilegt né ólöglegt á ferðinni. Löglegt en siðlaust Knattpyrnusambandið stendur með sínum manni og mun Cannavaro halda fyrirliðabandinu. „Það var ekki uppörvandi að sjá leikmann fá lyf í æð en Cannavaro hefur alltaf leikið af lífi og sál fyrir landsliðið og mun verða fyrirliði áfram,“ sagði forseti knattpyrnusambandsins, Franco Carraro, en bætti því við að þörf væri á skýrari lagasetningu í alþjóðaíþróttum um hvað væri talið viðeigandi. „Það að sjá fullkomlega heilbrigða íþróttamenn taka inn lyf fær mann til að staðnæmast. Við þurfum nýja löggjöf sem tryggir að ekki séu svona margar holur í kerfinu. Ekki síður þarf að huga að siðferðishliðinni.“ sagði Carraro, sem hefur þurft að glíma við stöðug lyfjahneyksli síðustu árin, einkum í kringum málaferlin yfir læknum Juventus sem fengu nýverið heldur létta dóma eftir löng réttarhöld. Leikmennirnir í því máli sluppu allir enda málið vandræðalegt fyrir alla aðila og miðað við þau bönn sem menn hafa hlotið undanfarin ár verður að efast um raunverulegan vilja knattspyrnuyfirvalda til að taka á vandanum. Einu málin sem er tekið á af festu eru þau sem lúta að hefðbundnum eiturlyfjum á borð við kókaín. Virðist augunum lokað fyrir því að glundurkokkteilar skottulæknanna geta reynst Íslenski boltinn Ítalski boltinn Mest lesið Reyndi að stela nærfatnaði leikmanna Fótbolti „Munum gefa allt sem við eigum til að enda meðal efstu fimm“ Enski boltinn Enni ungs sonar Man. Utd leikmanns í tvennt Enski boltinn Fram einum sigri frá úrslitum Handbolti „Ekki til nokkur einasta króna á Sauðárkróki í kvennafótbolta” Íslenski boltinn Selfoss jafnaði metin Handbolti Biður stuðningsfólk afsökunar á skítnum Enski boltinn KR sópaði Hamar/Þór og leikur í Bónus deildinni á næstu leiktíð Körfubolti „Kemur einn leikmaður sem við getum staðfest í kringum næsta leik” Íslenski boltinn Enduðu fimmtán leikja taphrinu í úrslitakeppni NBA Körfubolti Fleiri fréttir Eygló ætlar að vinna Ólympíugull: „Ég hlýði bara Vésteini“ Enni ungs sonar Man. Utd leikmanns í tvennt Enduðu fimmtán leikja taphrinu í úrslitakeppni NBA Biður stuðningsfólk afsökunar á skítnum Reyndi að stela nærfatnaði leikmanna Dagskráin í dag: Besta deild kvenna og Ronaldo „Munum gefa allt sem við eigum til að enda meðal efstu fimm“ Þjálfari Nóels Atla rekinn eftir tapið gegn Íslendingaliði Sönderjyske „Bara einn leikur og áfram með smjörið“ KR sópaði Hamar/Þór og leikur í Bónus deildinni á næstu leiktíð Selfoss jafnaði metin Fram einum sigri frá úrslitum „Ekki til nokkur einasta króna á Sauðárkróki í kvennafótbolta” „Stemmningin í húsinu hjálpar“ „Kemur einn leikmaður sem við getum staðfest í kringum næsta leik” „Við stóðum af okkur storminn“ Uppgjörið: Stjarnan - Grindavík 108-100 | Stjarnan skrefinu á undan Burnley og Leeds United aftur upp í ensku úrvalsdeildina Forest upp í þriðja sætið eftir sigur á Tottenham FCK tímabundið á toppinn Höfðu betur eftir framlengdan leik Uppgjörið: Tindastóll - Álftanes 100-78 | Ótrúlegur sigur Stólanna Alfons með sitt fyrsta mark fyrir Birmingham Aldís Ásta og stöllur einum sigri frá úrslitunum Uppgjörið: Þór/KA - Tindastóll 2-1 | Endurkoma í Boganum Uppgjörið: FHL - Valur 0-2 | Valskonur sóttu þrjú stig austur Guðrún og Katla með stoðsendingar í Íslendingaslag Valur og KR unnu Scania Cup Lewandowski frá næstu vikurnar og missir af stórleikjum Enn eitt jafnteflið hjá Lyngby Sjá meira
Einari Logi Vignisson skrifar alltaf um boltann í suður-Evrópu í Fréttablaðinu á sunnudögum. Að þessi fjallar hann um dópið á Ítalíu sem er leikmönnum enn hættulegri en samkvæmisdópið. Alltaf hefur setið í mér setningin úr Drugstore Cowboy, raunsæju eiturlyfjadrama Gus Van Sant, þegar höfuðpersónan leikin af Matt Dillon segir um karakter William S. Burroughs að hann hafi skotið minnst miljón dollara virði af heróíni í handlegginn á sér um ævina. Skelfilegt er að hugsa til þess hvað fólk sem ánetjast eitrinu þarf að leggja á sig til þess að fjármagna neysluna og verður áhrifameira þegar hugsað er til þess að óskýr mörk eru á milli persónunnar sem rithöfundurinn Burroughs leikur í myndinni og hans sjálfs en þessi konungur ofskynjunarbókmenntanna barðist alla ævi við gríðarlega fíkn og eyddi lunganum af tekjum sínum í eitur af ýmsum sortum. Ofangreindar hugleiðingar um fjármögnunarkostnað fíknarinnar komu upp í kolli mínum í vikunni þegar ég las langa úttekt í ítölsku sportblaði um áætlaðan lyfjakostnað ítölsku knattspyrnuliðanna síðustu árin. Tölurnar eru svo háar að mann grunaði að ítalskir reiknuðu ennþá í lírum en ekki evrum. Sláandi var hversu nákvæmar og ábyggilegar niðurstöðurnar eru, meðalliðið fer með jafn mikið fé í lyfjakaup og læknar á meðalheilsugæslustöð þar í landi skrifa út sínum sjúklingum til handa á einu ári. Innan við þrjátíu fullfrískir karlmenn þurfa sumsé jafnmikið af hinum og þessum lyfjum að halda og nokkur þúsund venjulegra borgara! Leggur settur upp í Moskvu Víst er að þessir drengir fá ekki ódýrustu sortirnar og ekki spáð í ríkisniðurgreiðslur þegar læknar liðanna leggjast í skottulækningar sínar í leitinni að undrakokkteilnum. Nánast vísindaskáldskaparbragur á listanum yfir lyfin, ekki einungis sterar og pepperar í hávegum heldur úrval úr sérlyfjaskránni með áherslu á gigtarlyf, þunglyndislyf, lyf gegn vöðvarýrnun og hjartalyf. Síðastnefndi lyfjaflokkurinn hefur fengið mikla umfjöllun eftir að ítalska ríkissjónvarpið sýndi á fimmtudagskvöldið myndskeið þar sem Fabio Cannavaro, leikmaður Juventus og landsliðsfyrirliði Ítala, sést fá lyfið Neoton gefið í æð daginn fyrir úrslitaleikinn í Evrópukeppni félagsliða 1999 en Cannavaro lék þá með Parma sem mætti Marseille í Moskvu og sigraði 3-0. Neoton er lyf sem jafnan er notað þegar hjartaaðgerðir eru framkvæmdar en læknar Parma virðast hafa gert sér grein fyrir einhverjum gagnlegum áhrifum fyrir leikmennina eða hreinlega treyst á nafnið sem er dregið af því sem heitir á máli líffræðinnar að viðhalda einhverjum einkennum æskuskeiðs á fullorðinsaldri. Myndskeið þetta mun hafa verið tekið á upptökuvél Cannavaros sjálfs og sýnir leikmenn Parma skríkja og skemmta sér í læknisleik þar sem aðalsportið var að setja upp legg fyrir fyrirliðann, sem síðan nýtur lyfjagjafarinnar og fer með gamanmál á meðan. Einhvern veginn rataði þessi kostulega upptaka í hendur manna sem sáu ástæðu til þess að koma spólunni til ríkissjónvarpsins. Lögfræðingar Cannavaros reyndu án árangurs að fá birtinguna stöðvaða en hafa haldið uppi miklum vörnum enda getur málið skaðað ímynd hans mjög. Þeir hafa bent á að atriðið sé algjörlega slitið úr samhengi og lyfið sé auk þess ekki á bannlista alþjóða knattspyrnusambandsins og því ekkert óeðlilegt né ólöglegt á ferðinni. Löglegt en siðlaust Knattpyrnusambandið stendur með sínum manni og mun Cannavaro halda fyrirliðabandinu. „Það var ekki uppörvandi að sjá leikmann fá lyf í æð en Cannavaro hefur alltaf leikið af lífi og sál fyrir landsliðið og mun verða fyrirliði áfram,“ sagði forseti knattpyrnusambandsins, Franco Carraro, en bætti því við að þörf væri á skýrari lagasetningu í alþjóðaíþróttum um hvað væri talið viðeigandi. „Það að sjá fullkomlega heilbrigða íþróttamenn taka inn lyf fær mann til að staðnæmast. Við þurfum nýja löggjöf sem tryggir að ekki séu svona margar holur í kerfinu. Ekki síður þarf að huga að siðferðishliðinni.“ sagði Carraro, sem hefur þurft að glíma við stöðug lyfjahneyksli síðustu árin, einkum í kringum málaferlin yfir læknum Juventus sem fengu nýverið heldur létta dóma eftir löng réttarhöld. Leikmennirnir í því máli sluppu allir enda málið vandræðalegt fyrir alla aðila og miðað við þau bönn sem menn hafa hlotið undanfarin ár verður að efast um raunverulegan vilja knattspyrnuyfirvalda til að taka á vandanum. Einu málin sem er tekið á af festu eru þau sem lúta að hefðbundnum eiturlyfjum á borð við kókaín. Virðist augunum lokað fyrir því að glundurkokkteilar skottulæknanna geta reynst
Íslenski boltinn Ítalski boltinn Mest lesið Reyndi að stela nærfatnaði leikmanna Fótbolti „Munum gefa allt sem við eigum til að enda meðal efstu fimm“ Enski boltinn Enni ungs sonar Man. Utd leikmanns í tvennt Enski boltinn Fram einum sigri frá úrslitum Handbolti „Ekki til nokkur einasta króna á Sauðárkróki í kvennafótbolta” Íslenski boltinn Selfoss jafnaði metin Handbolti Biður stuðningsfólk afsökunar á skítnum Enski boltinn KR sópaði Hamar/Þór og leikur í Bónus deildinni á næstu leiktíð Körfubolti „Kemur einn leikmaður sem við getum staðfest í kringum næsta leik” Íslenski boltinn Enduðu fimmtán leikja taphrinu í úrslitakeppni NBA Körfubolti Fleiri fréttir Eygló ætlar að vinna Ólympíugull: „Ég hlýði bara Vésteini“ Enni ungs sonar Man. Utd leikmanns í tvennt Enduðu fimmtán leikja taphrinu í úrslitakeppni NBA Biður stuðningsfólk afsökunar á skítnum Reyndi að stela nærfatnaði leikmanna Dagskráin í dag: Besta deild kvenna og Ronaldo „Munum gefa allt sem við eigum til að enda meðal efstu fimm“ Þjálfari Nóels Atla rekinn eftir tapið gegn Íslendingaliði Sönderjyske „Bara einn leikur og áfram með smjörið“ KR sópaði Hamar/Þór og leikur í Bónus deildinni á næstu leiktíð Selfoss jafnaði metin Fram einum sigri frá úrslitum „Ekki til nokkur einasta króna á Sauðárkróki í kvennafótbolta” „Stemmningin í húsinu hjálpar“ „Kemur einn leikmaður sem við getum staðfest í kringum næsta leik” „Við stóðum af okkur storminn“ Uppgjörið: Stjarnan - Grindavík 108-100 | Stjarnan skrefinu á undan Burnley og Leeds United aftur upp í ensku úrvalsdeildina Forest upp í þriðja sætið eftir sigur á Tottenham FCK tímabundið á toppinn Höfðu betur eftir framlengdan leik Uppgjörið: Tindastóll - Álftanes 100-78 | Ótrúlegur sigur Stólanna Alfons með sitt fyrsta mark fyrir Birmingham Aldís Ásta og stöllur einum sigri frá úrslitunum Uppgjörið: Þór/KA - Tindastóll 2-1 | Endurkoma í Boganum Uppgjörið: FHL - Valur 0-2 | Valskonur sóttu þrjú stig austur Guðrún og Katla með stoðsendingar í Íslendingaslag Valur og KR unnu Scania Cup Lewandowski frá næstu vikurnar og missir af stórleikjum Enn eitt jafnteflið hjá Lyngby Sjá meira