Dallas lagði Phoenix

Tveir leikir voru í NBA-deildinni í körfuknattleik í gærkvöldi. Dallas sigraði Phoenix Suns með 119 stigum gegn 113 í Phoenix. Michael Finley skoraði 33 stig og Josh Howard 30 fyrir Dallas. Gamli félagi þeirra, Steve Nash, skoraði 19 stig og átti 11 stoðsendingar fyrir Phoenix en stigahæstur var Amare Stoudamire með 31 stig. Minnesota sigraði Cleveland 94-88. Wally Szczerbiak skoraði 26 stig og Kevin Garnett 20 fyrir Minnesota en Garnett tók auk þess 18 fráköst. Lebron James var með flensu en skoraði samt 26 stig fyrir Cleveland.