Farnir til Finnlands í sínu fínasta pússi – Myndir

Strákarnir í körfuboltalandsliðinu héldu til Finnlands í morgun í sínu fínasta pússi en þeir hefja leik á Evrópumótinu í körfubolta á fimmtudaginn þegar þeir mæta Grikklandi í fyrsta leik sínum í riðlakeppninni.

Á laugardag mæta þeir svo Póllandi, á sunnudag spila þeir gegn Frakklandi og á þriðjudag gegn Slóveníu. Miðvikudaginn 6. september mæta strákarnir síðan heimamönnum í Finnlandi í síðasta leiknum í riðlakeppninni.

Alls eru fjórir riðlar og komast því fjögur lið úr hverjum riðli í 16 liða úrslitin sem fara fram 9. og og 10. september.

Þetta er í annað sinn sem körfuboltalandslið karla tekur þátt í Evrópumótinu en strákarnir tóku fyrst þátt árið 2015.

Hér fyrir neðan má sjá myndir frá Erni Eyjólfssyni, ljósmyndara Vísis og Fréttablaðsins, sem teknar voru í Leifsstöð í morgun sem og myndir sem Körfuknattleikssamband Íslands deildi á Facebook-síðu sinni nú í morgunsárið.