Mót­herji Eriku kastaði dós í hana

Sem betur fer hitti dósin ekki og virtist hún hafa lítil áhrif á Eriku sem er sigurviss fyrir bardagann. Jade er léttvigtarmeistari í Misfits-bardagaseríunni og getur Erika tekið af henni ef hún vinnur bardagann á laugardaginn.

Erika vakti fyrst athygli hér á landi á viðburðinum Icebox þar sem hún vann og hefur hún nú haldið erlendis til að reyna við atvinnumennsku í íþróttinni. Hún skrifaði undir samning hjá Misfits og mun þetta vera fyrsti bardagi hennar þar.

Atvinnumennskan virðist fara vel í Eriku en hún er komin með stóran hóp fylgjenda á samfélagsmiðlum sínum og eru yfir 200 þúsund fylgjendur á Instagram-reikningi hennar. Mótherji hennar hefur varið beltið þrisvar og því erfiður mótherji sem hún mætir.

Mikill hiti myndaðist milli þeirra á blaðamannafundi og reyna bæði Erika og Jade að komast í hausinn á hvor annarri. Ljóst er að ef Erika vinnur bardagann á laugardaginn þá tekur hún stórt skref í atvinnumennskunni og getur fengið enn fleiri fylgjendur.