Tæp­lega 50 milljarða halli hins opin­bera á öðrum fjórðungi

Í tilkynningu þess efnis á vef Hagstofu Íslands segir að afkoma hins opinbera sé áætluð út frá bráðabirgðatölum. Niðurstöður muni taka breytingum þegar uppgjör liggur fyrir.

Í heild sé áætlað að tekjur hins opinbera hafi aukist um 4,3 prósent frá öðrum ársfjórðungi 2025. Þar vegi þyngst auknar tekjur vegna skatta á tekjur og hagnað, sem áætlað sé að hafi aukist um 6,2 prósent ásamt auknum tekjum vegna skatta á vöru og þjónustu, sem hafi aukist um 5,3 prósent.

Gert sé ráð fyrir að heildarútgjöld hafi aukist um 6,1 prósent á öðrum ársfjórðungi 2026 frá sama tímabili fyrra árs. Samneysluútgjöld hins opinbera haldi áfram að aukast en áætlað sé að launakostnaður hafi aukist um 7,2 prósent á verðlagi ársins og útgjöld vegna kaupa á vöru og þjónustu um 8,5 prósent. Aukning í félagslegum tilfærslum til heimila vegi þungt í útgjaldaaukningu hins opinbera en bráðabirgðagögn bendi til þess að þær hafi aukist um 22,9 prósent.