Handbolti

Ís­lendingarnir fóru ekki mjúkum höndum um læri­sveina Rúnars

Aron Guðmundsson skrifar
Ómar Ingi Magnússon í leik með Magdeburg
Ómar Ingi Magnússon í leik með Magdeburg Getty/Igor Kralj

Íslendingalið Magdeburg var ekki í vandræðum með lærisveina Rúnars Sigtryggssonar í liði Wetzlar þegar liðin mættust í þýsku úrvalsdeildinni í handbolta í dag.

Sigur Magdeburgar var aldrei í hættu í leik dagsins og stjórnaði meistaraliðið ferðinni frá upphafi til enda og sigldi að lokum heim öruggum átta marka sigri, 38-30.

Ómar Ingi Magnússon skoraði fjögur mörk í leiknum og lagði upp tvö á meðan að Gísli Þorgeir Kristjánsson skoraði þrjú og lagði upp fjögur. Þá gaf Elvar Örn Jónsson tvær stoðsendingar. 

Með sigrinum heldur fullkomin byrjun Magdeburg í þýsku deildinni áfram. Liðið með fullt hús stiga eftir fyrstu fjóra leiki sína. Wetzlar hefur sótt eitt stig af átta mögulegum. 

Þýski handboltinn Íslendingar erlendis

Mest lesið


Fleiri fréttir

Sjá meira


×

Mest lesið