Viðskipti innlent

Paellu-gerðarmenn kveðja Templara­sund

Árni Sæberg skrifar
La Barceloneta er til húsa að Templarasundi 3 í Reykjavík en ekki mikið lengur.
La Barceloneta er til húsa að Templarasundi 3 í Reykjavík en ekki mikið lengur. La Barceloneta

Eigendur spænska veitingastaðarins La Barceloneta í Templarasundi munu skella staðnum í lás í hinsta sinn á sunnudag. Ástæðan er sú að þeir geta ekki leigt rýmið í Templarasundi áfram og þeir leita að nýju rými undir staðinn.

Frá þessu er greint á Facebooksíðu La Barceloneta.

„Við ljúkum þessum kafla á Templarsundi 3 með miklu þakklæti í huga. Við þökkum sérstalega öllum þeim sem hjálpuðu til við að skapa veitingastað sem kynnir menningu okkar fyrir þeim sem ekki þekkja hana og fær Spánverja á Íslandi til að líða nær heimalandi sínu.“

Á meðan leitað verður að nýju rými munu aðstandendur staðarins ekki sitja auðum höndum heldur munu þeir útbúa paellu og tapas til afhendingar heim og í veislur.

„Á þessum síðasta degi eruð þið öll boðin í ókeypis paellu þann 16. ágúst!“

Veitingastaðir Matur Reykjavík


Mest lesið


Fleiri fréttir

Sjá meira


×

Mest lesið