Viðskipti innlent

Laun hækka um­fram verð­bólgu

Sigurgeir Þorkelsson skrifar
Launavísitala hækkaði milli mánaða samkvæmt mælingu Hagstofunnar.
Launavísitala hækkaði milli mánaða samkvæmt mælingu Hagstofunnar. Vísir/Vilhelm

Hagstofan hefur birt tölur fyrir júnímánuð og hækkaði launavísitala um 0,2 prósent frá fyrri mánuði. Greint var frá því fyrr í morgun að verðbólga hækki milli mánaða en hún mælist nú 5,3 prósent á ársgrundvelli.

Hækkun launavísitölu síðustu tólf mánuði er 5,8 prósent og halda laun því kaupmætti sínum þrátt fyrir ástreymi verðbólgunnar.

Þá helst vísitala byggingarkostnaðar óbreytt milli mánaða en greint hefur verið frá kólnandi byggingamarkaði um nokkurt skeið.

Vísitala framleiðsluverðs í júní hækkaði um 1,6 prósent frá fyrri mánuði. Framleiðsluverð sjávarafurða hækkaði um 2,5 prósent og framleiðsluverð stóriðju hækkaði um 3,4 prósent. Framleiðsluverð á matvælum lækkaði hins vegar um 0,3 prósent.

Verðlag Efnahagsmál Atvinnurekendur Kjaramál Vinnumarkaður Íslenska krónan


Mest lesið


Fleiri fréttir

Sjá meira


×

Mest lesið