Frá­bær loka­kafli dugði ekki til

Íslenska liðið byrjaði leikinn vel og var leikurinn jafn framan af. Aldrei munaði meira en einu marki á liðunum í fyrri hálfleik en þá áttu Danir eftir að hrökkva í gír.

Á 27. mínútu var Danmörk einu marki undir þangað til liðið skoraði fjögur mörk í röð án þess að Ísland skoraði eitt einasta mark. Danmörk var því þremur mörkum yfir í hálfleik, 17-14.

Íslenska liðið átti í erfiðleikum með að saxa niður forskot danska liðsins í seinni hálfleik og var munurinn kominn í átta mörk þegar aðeins tíu mínútur voru eftir af leiknum.

Undir lok leiksins hrökk íslenska liðið í nýjan gír og tók góðan kafla þar sem liðið skoraði fimm mörk í röð. Það var því miður ekki nóg og endaði leikurinn með tveggja marka sigri Danmerkur, 31-29.

Ágúst Guðmundsson var markahæsti leikmaður leiksins með níu mörk. Jens Bragi Bergþórsson var stutt á eftir honum með sjö mörk.

Það er ljóst að Ísland kemst ekki upp úr milliriðlinum og hefur því lokið keppni á mótinu.