Martin spilar til úr­slita um þýska meistara­titilinn

Alba Berlin var á heimavelli á móti Bamberg en bæði lið höfðu unnið tvo leiki í einvíginu.

Martin Hermannsson og félagar í Alba Berlin gáfu tóninn með góðri byrjun og litu aldrei til baka eftir það. Þeir unnu á endanum með 31 stigs mun, 97-66.

Alba Berlin vann fyrsta leikhlutann 22-17 og keyrði síðan yfir gestina í öðrum leikhlutanum sem liðið vann 30-9.

Martin var kominn með átta stig í hálfleik en endaði leikinn með tíu stig og þrjár stoðsendingar á tuttugu mínútum.

Alba Berlin mætir Bayern München í úrslitaeinvíginu en Bæjarar unnu sitt undanúrslitaeinvígi 3-0 og hafa unnið alla sex leiki sína í úrslitakeppninni.

Alba Berlin hefur aftur á móti farið í oddaleik í báðum einvígum og er þegar búið að spila fjórum leikjum meira en mótherji þeirra í lokaúrslitunum.