ÍA fékk að kaupa mark­vörð og Jón Sölvi snýr aftur

ÍA keypti hinn 18 ára Jón Sölva frá Breiðabliki og gerði við hann samning til þriggja ára. Hann mun fylla í skarðið fyrir Árna Marinó Einarsson sem verður frá keppni út júnímánuð hið minnsta, eftir að hafa ristarbrotnað í sigrinum gegn Þór á dögunum. 

ÍA sótti um undanþágu sem framkvæmdastjóri KSÍ getur veitt í sérstökum neyðartilvikum, til að kaupa leikmann þegar félagaskiptaglugginn er lokaður, og fékk hana.

Jón Sölvi er öllum hnútum kunnugur á Akranesi en hann var að láni hjá ÍA á síðasta tímabili.

Hann á að baki 12 landsleiki fyrir U19 ára landslið Íslands og 7 landsleiki fyrir U17 ára landslið Íslands.

Eins og fyrr segir hefur Jón Sölvi þegar fengið leikheimild og má því spila gegn ÍBV á Akranesi í kvöld en leikurinn hefst klukkan 18 og er sýndur á Sýn Sport Ísland.