Rúss­nesk lúxussnekkja fór um Hormús-sund án vand­ræða

Hin 140 metra langa snekkja Nord er í eigu góðvinar Vladímírs Pútíns Rússlandsforseta og var hún á leiðinni frá Dubaí til borgarinnar Muscat í Oman. Íran og Bandaríkin hafa verið í viðræðum um opnun sundsins án árangurs en um einn fimmti af hráolíu heimsins er fluttur í gegnum þetta þrönga sund sem Íranir hafa völd á. Til viðbótar eru Bandaríkjamenn með stóran hluta flota síns á svæðinu. 

Afar fá skip í einkaeigu hafa komist þar í gegn undanfarnar vikur en rússneski milljarðamæringurinn Alexey Mordashov sem sætir nú viðskiptaþvingunum frá vesturveldunum vegna tengsla við Pútín hafði einhver ráð með að komast þar í gegn, að því er segir í umfjöllun Guardian.

Mögulega spilaði þar inn í heimsókn íranskrar sendinefndar til Pétursborgar í gær sem Pútín forseti tók á móti þar sem íranski utanríkisráðherrann Abbas Araghchi lofaði gæfuríkt samstarf ríkjanna undanfarin misseri. Íranir hafa meðal annrs séð Rússum fyrir olíu og svokölluðum Shahed drónum sem hafa verið mikið notaðir til árása í Úkraínu.