Íran

Íran

Höfuðborg: Teheran. Mannfjöldi: 89,6 milljónir (2025). Flatarmál: 1.648.195 ferkílómetrar.

Fréttir í tímaröð

Fréttamynd

Gefur skít í helvítishótanir Trumps

Íranski herinn gerir lítið úr hótunum Donalds Trump Bandaríkjaforseta, sem sagði fyrr í dag að „allt færi til fjandans“ í Íran ef Íranir opnuðu ekki fyrir umferð um Hormússund eða samþykktu ekki friðarsamkomulag innan við tvo sólarhringa.

Innlent
Fréttamynd

„48 klukku­stundir þar til allt fer til fjandans“

Íranir hafa til mánudags til þess að opna Hormússund á ný eða gera einhvers konar samkomulag við Bandaríkin, annars fer allt í bál og brand. Svo hljóðar nýjasta hótun Bandaríkjaforseta, sem hefur þó lítið sem ekkert tjáð sig um týnda bandaríska flugmanninn sem Bandaríkjaher og Íranir keppast um að finna.

Erlent
Fréttamynd

Segir að að­gerðum gæti lokið eftir tvær til þrjár vikur

Donald Trump Bandaríkjaforseti segir Bandaríkjamenn munu „yfirgefa“ Íran innan tíðar og að hernaðaraðgerðum gæti lokið eftir tvær til þrjár vikur. Þá segir hann aðalmarkmiðum hafa verið náð, það er að segja að koma í veg fyrir að Íranir eignuðust kjarnavopn.

Erlent
Fréttamynd

„Banda­ríkin verða ekki lengur til staðar fyrir ykkur“

Donald Trump segir að þau ríki heims sem skorti eldsneyti vegna lokunar Hormússunds og hafi neitað að aðstoða Bandaríkin í stríðinu gegn Íran, standi ein. Forsetinn nefnir Bretland sérstaklega og segir að Bandaríkin verði ekki lengur til staðar fyrir þessi ríki.

Erlent
Fréttamynd

Skoðar að enda stríðið án þess að opna Hormússund

Donald Trump hefur sagt ráðgjöfum sínum í Hvíta húsinu að hann sé tilbúinn til að binda enda á stríð Bandaríkjanna gegn Íran, án þess að opna Hormússund fyrir skipasiglingar á nýjan leik. Forsetinn og ráðgjafar hans eru sagðir þeirrar skoðunar að það yrði of tímafrekt að opna sundið með hervaldi og þess vegna vilji hann halda í hluta af upprunalegu markmiðum sínum um að útrýma flota Íran og valda skaða á eldflaugaframleiðslu þar og binda enda á árásir á næstunni.

Erlent
Fréttamynd

Hyggjast tollleggja skipaumferð um Hormuz-sund

Íranskir miðlar hafa greint frá því að þingnefnd hafi samþykkt tillögu um að heimta toll af skipaumferð um Hormuz-sund. Samkvæmt fréttastofunni Fars verður sundið lokað skipum frá Bandaríkjunum, Ísrael og öðrum ríkjum sem hafa beitt Íran refsiaðgerðum.

Erlent
Fréttamynd

Segir við­ræður ganga stór­vel en hótar stríðsglæpum

Bandaríkjamenn eiga í viðræðum við „nýja og skynsamari“ ríkisstjórn í Íran um að binda enda á árásir á landið. Þessar viðræður hafa skilað miklum árangri, eftir því Donald Trump Bandaríkjaforseti, segir en hann hótar þó umfangsmiklum stríðsglæpum gegn Íran, náist samningar ekki fljótt og verði Hormússund ekki opnað fyrir skipasiglingar á nýjan leik.

Erlent
Fréttamynd

Enn fer ekki saman hljóð og mynd

Donald Trump Bandaríkjaforseti heldur áfram að hafa í hótunum við stjórnvöld í Íran, á sama tíma og hann segir samningaviðræður eiga sér stað, beint og óbeint, og lýsir nýrri forystu landsins sem „sanngjarnri“ (e. reasonable).

Erlent
Fréttamynd

Íranir búa sig undir á­rásir landherliðs

Íranir segjast tilbúnir að bregðast við árásum bandarískra landgönguliða sem þeir telja í farvatninu hjá Bandaríkjaher. Forseti íranska þingsins sakar Bandaríkjamenn um að skipuleggja slíkar árásir á sama tíma og þeir þykist opnir fyrir friðarviðræðum.

Erlent
Fréttamynd

Hútar gerðu aðra á­rás á Ísrael

Uppreisnarhópur Húta í Jemen skaut eldflaugum og drónum á nokkur skotmörk í suðurhluta Ísrael í sinni annarri loftárás á landið í dag. Talsmaður Húta segir árásirnar hafa beinst að mikilvægum hernaðarinnviðum. 

Erlent
Fréttamynd

Heimta enn að­stoð sem þeir segjast ekki þurfa

Marco Rubio, utanríkisráðherra Bandaríkjanna, tekur undir með Donald Trump, forseta, um að bandamenn Bandaríkjanna í Evrópu þurfi að gera meira þegar kemur að því að opna Hormússund fyrir umferð olíuflutningaskipa á nýjan leik. Rubio segir Bandaríkjamenn sífellt beðna um að styðja Úkraínu og hjálpa til í stríði sem sé á annarri heimsálfu. Þegar Bandaríkjamenn þurfi á aðstoð að halda hafi Trump fengið neikvæð svör.

Erlent
Fréttamynd

Segir við­semj­endur ekki þora að gangast við við­ræðum

Donald Trump Bandaríkjaforseti segir stjórnvöld í Íran áfjáð í að komast að samkomulagi til að binda enda á árásir Bandaríkjanna og Ísrael en að þau séu hrædd við að viðurkenna það. Viðsemjendur Bandaríkjanna óttist að vera myrtir af eigin stjórn. „Þeir eru líka hræddir um að verða drepnir af okkur,“ sagði forsetinn í gær.

Erlent
Fréttamynd

Sjálf­skipaður Yoda okkar Ís­lendinga hefur rangt fyrir sér

Eitt má Donald Trump Bandaríkjaforseti eiga: Hann er góður landafræðikennari. Þótt gáfulegir stjórnmálaskýrendur tali eins og þeir hafi fæðst með vitneskjuna um hvar Hormús-sund er að finna á korti, höfðu fæst okkar heyrt af þessari lífæð nútímans fyrr en í síðasta mánuði – þar með talinn Trump sjálfur, af atburðum síðustu vikna að dæma.

Lífið
Fréttamynd

Íranir hafna friðartillögu Banda­ríkja­manna

Íranir hafa hafnað tillögu Bandaríkjamanna um friðarsamkomulag vegna yfirstandandi stríðs Ísraela og Bandaríkjamanna á hendur Írönum. Þetta hefur íranski ríkismiðillinn Press TV eftir embættismanni þar í landi.

Erlent
Fréttamynd

Tveir hand­teknir vegna sjúkrabílabrennu

Breska lögreglan handtók tvo karlmenn í tengslum við íkveikju í fjórum sjúkrabílum á vegum góðgerðasamtaka gyðinga í London. Yfirvöld rannsaka íkveikjurnar sem hatursglæp gegn gyðingum.

Erlent
Fréttamynd

Sendir líka fall­hlífar­her­menn til Mið-Austurlanda

Forsvarsmenn varnarmálaráðuneytis Bandaríkjanna eru sagðir undirbúa það að senda um þrjú þúsund fallhlífarhermenn til Mið-Austurlanda. Hlutverk þeirra yrði að styðja við aðgerðir gegn Íran. Einnig er verið að senda landgönguliða á svæðið.

Erlent
Fréttamynd

Við­ræður eða ekki við­ræður, þarna er efinn

Einhverjar þreifingar virðast hafa átt sér stað á bakvið tjöldin milli stjórnvalda í Bandaríkjunum og Íran um mögulegar leiðir til að binda enda á átökin sem nú standa yfir, ef marka má erlenda miðla. Eiginlegar viðræður virðast þó ekki hafnar.

Erlent
Fréttamynd

Notuðu mynda­vélar klerka­stjórnarinnar til að fella Khamenei

Klerkastjórnin í Íran hafði um nokkurt skeið komið öryggis- og eftirlitsmyndavélum fyrir víðsvegar um landið til að fylgjast með og sporna gegn andófi. Ísraelskir hakkarar hafa í gegnum árin hakkað sig inn í margar þessara myndavéla, auk annarra sem finna má í verslunum og víðsvegar annars staðar, og hafa þær verið notaðar, með aðstoð gervigreindar, til að finna ráða- og embættismenn sem ráðnir hafa verið af dögum.

Erlent
Fréttamynd

Íranir segja engar við­ræður við Trump-liða eiga sér stað

Ýmsir ráðamenn í Íran segja Donald Trump, forseta Bandaríkjanna, hafa sagt ósatt í dag. Þeir segja engar viðræður við Bandaríkjamenn eiga sér stað en fyrr í dag sagði Trump að viðræður hefðu gengið vel á undanförnum dögum og því hefði hann gefið þá skipun að stöðva árásir á orkuinnviði í Íran í nokkra daga.

Erlent

Mest lesið