„Deildin aldrei verið sterkari en í ár“

Hermann býr sína menn undir leik við Þór í fyrstu umferð deildarinnar, sem fram fer klukkan 17:00 í dag. Valsmenn koma að einhverju leyti haltrandi inn í mótið eftir meiðslahrjáðan og strembinn vetur.

Tap fyrir KR í Mjólkurbikarnum síðustu helgi var liðinu vonbrigði en að einhverju leyti óumflýjanlegt vegna þess hvernig veturinn raðaðist upp samkvæmt Hermanni. Mörgum þykja Valsmenn hafa mátt gera meira á markaðnum í vetur en stefnubreyting hefur átt sér stað á Hlíðarenda þar sem einblína á að yngja upp.

Fjölmörg önnur lið hafa styrkt sig verulega og þrátt fyrir allt er Valur með gríðarlega sterkan leikmannahóp sem náði öðru sæti í bæði deild og bikar á síðasta árið.

Aðspurður um hvað muni einkanna fótboltasumarið segir Hermann:

„Gæðalega held ég að deildin hafi aldrei verið sterkari en í ár. Hjá mörgum liðum. Auðvitað er mesta athyglin á Víkingi, KR hafa verið öflugir í vetur, Stjarnan búin að styrkja sig vel, Breiðablik með öflugan hóp og ÍA búið að bæta vel í mannskapinn hjá sér,“

„Þá erum við ekki búin að nefna Fram og KA – maður getur nánast upp öll liðin í deildinni. Það hafa allir styrkt sig og bætt sig. Ég held að gæðin í deildinni í sumar verði meiri en nokkru sinni áður.“

Fleira kom fram í viðtalinu sem má sjá í heild í spilaranum.

Fyrsta umferð Bestu deildarinnar á Sýn Sport

Föstudagur 10. apríl

• 19:15 Víkingur R. - Breiðablik (Sýn Sport Ísland)

Sunnudagur 12. apríl

• 13:00 ÍBV - FH (Sýn Sport Ísland)
• 16:45 Besta messan (Sýn Sport Ísland)
• 17:00 KR - Keflavík (Sýn Sport Ísland 2)
• 17:00 Valur - Þór (Sýn Sport Ísland 4)
• 17:00 KA - Stjarnan (Sýn Sport Ísland 5)
• 21:35 Stúkan (Sýn Sport Ísland)