Veður

Gular við­varanir vegna storms í kvöld og á morgun

Lovísa Arnardóttir skrifar
Viðvaranir hafa verið gefnar út fyrir nær landið allt.
Viðvaranir hafa verið gefnar út fyrir nær landið allt. Veðurstofan

Gular viðvaranir hafa verið gefnar út vegna veðurs á morgun. Fyrstu viðvaranir taka gildi seint í kvöld og seinustu viðvaranir renna úr gildi annað kvöld.

Spáð er hvassviðri eða stormi með vindhraða á bilinu 15 til 25 metrum á sekúndu, hvassast sunnan- og vestantil, og mjög hvössum vindstrengjum við fjöll sem staðbundið geta farið yfir 35 m/s, einkum á fjallvegum.

Í spá segir að búast megi við talsverðri snjókomu eða éljagangi með skafrenningi, lélegu skyggni og versnandi akstursskilyrðum. Afmarkaðar samgöngutruflanir og lokanir á vegum eru líklegar. Fólki er bent á að sýna varkárni og fylgjast með veðurspám.

Viðvaranir hafa verið gefnar út fyrir Suðurland, Faxaflóa, Breiðafjörð, Strandir og Norðurland vestra, Norðurland eystra, miðhálendi og Austurland að glettingi.

Veður Færð á vegum

Tengdar fréttir

Hæðarhryggur yfir landinu í dag og stormur í nótt

Hæðarhryggur fer yfir landið í dag. Þá lægir fyrir hádegi á vestanverðu landinu og dregur smám saman úr éljum, en áfram vestan tíu til 15 metrar á sekúndu austanlands fram eftir degi. Hiti verður á bilinu eitt til sex stig, en nálægt frostmarki austanlands.

Mest lesið


Fleiri fréttir

Sjá meira


×

Mest lesið