Innlent

Al­var­legt um­ferðar­slys við Munaðar­nes

Kolbeinn Tumi Daðason skrifar
Frá vettvangi á hringveginum nærri Munaðarnesi.
Frá vettvangi á hringveginum nærri Munaðarnesi.

Þrír voru fluttir með þyrlu Landhelgisgæslunnar eftir tveggja bíla árekstur á hringveginum við Munaðarnes í Borgarfirði um ellefuleytið. Tveir þeirra sem fluttir voru eru slasaðir. Lokað var fyrir umferð um veginn.

Ásgeir Erlendsson, upplýsingafulltrúi Landhelgisgæslunnar, segir í samtali við Vísi að tilkynning um slysið hafi borist um ellefuleytið og þyrlan verið kölluð út á mesta forgangi. Þrír hafi verið fluttir með þyrlunni á Borgarspítalann þar sem hún lenti upp úr klukkan hálf eitt. Tveir þeirra hafi verið slasaðir en Ásgeir hafði ekki upplýsingar um hve alvarlega.

Þjóðvegurinn var lokaður við Munaðarnes eftir að slysið var og til um klukkan eitt. 

Fréttin var síðast uppfærð klukkan 13:28.

Landhelgisgæslan Lögreglumál Sjúkraflutningar Samgönguslys Borgarbyggð

Mest lesið


Fleiri fréttir

Sjá meira


×

Mest lesið