Einar fagnaði eftir Íslendingaslag

Einar skoraði fjögur mörk fyrir Kristianstad í 33-29 sigrinum á útivelli en Arnór skoraði tvö mörk fyrir Karlskrona.

Kristianstad er í efsta sæti sænsku deildarinnar en Karlskrona í 9. sætinu eftir, dottið út úr úrslitakeppnissæti eftir tapið og önnur úrslit dagsins.

Einar er eini leikmaður Kristianstad eins og er en nýlega sömdu Andri Erlingsson og Bjarni Fritz Baldursson um að ganga til liðs við félagið í sumar.

Elín Klara skoraði sex mörk í sigri Savehof

Fyrr í dag fagnaði Elín Klara Þorkelsdóttir 31-28 sigri með toppliði Savehof á útivelli gegn Skuru í 16. umferð sænsku úrvalsdeildarinnar. Elín Klara skoraði sex mörk en Stina Wiksfors var markahæst hjá Savehof með sjö mörk.

Á sama tíma skoraði Lena Valdimarsdóttir þrjú mörk fyrir Skara í 31-24 tapi gegn Höörs. Liðin sitja í þriðja og fjórða sæti sænsku deildarinnar.