Með móral eftir djammið og sendu þýfið á ÓL

Jan-Erik Aalbu hjá norska skíðastökkslandsliðinu staðfesti við norska fjölmiðla að góssið hefði nú skilað sér í réttar hendur, til Ítalíu þar sem Vetrarólympíuleikarnir verða settir í kvöld.

Með sendingunni fylgdi bréf frá þjófunum og í því stóð meðal annars: 

Segjast ekkert muna vegna drykkju

„Síðasta laugardag vorum við viðstaddir heimsbikarmótið í Willingen og eftir að mótinu lauk gerðum við eitthvað mjög heimskulegt,“ en þjófarnir virðast þá hafa verið orðnir sauðdrukknir.

„Við getum ekki útskýrt nákvæmlega hvað gerðist, því við lentum í sex klukkustunda minnisleysi. Það sem örugglega má segja er að það stafaði af verulegri áfengisneyslu og slæmri dómgreind.“ 

Þjófarnir taka þó skýrt fram að þeir séu ekki að réttlæta verknað sinn heldur aðeins að reyna að veita einhverjar útskýringar. Þeir hafi ekki ætlað sér að skaða neinn og hvað þá að ætla vísvitandi að skemma fyrir norska liðinu.

„Það eina sem við getum gert núna er að biðjast innilega afsökunar,“ segir í bréfinu.