Anna Lísa til Aton

Þar segir að Anna Lísa komi til Aton með víðtæka reynslu úr stjórnmálum, stjórnsýslu, fjölmiðlum og skapandi greinum. Hún hefur meðal annars starfað sem samskiptastjóri og framkvæmdastjóri þingflokks Vinstrihreyfingarinnar - græns framboðs, sem aðstoðarmaður í ríkisstjórn Bjarna Benediktssonar og síðast sem samskiptastjóri LIFE Icewater hjá Umhverfis- og orkustofnun.

„Anna Lísa kemur til okkar með reynslu úr stjórnsýslu, stjórnmálum, fjölmiðlum og samfélagsverkefnum. Hún er vön að vinna hratt og markvisst í krefjandi málum og er frábær viðbót í öflugan hóp ráðgjafa Aton,“ segir Sif Jóhannsdóttir, framkvæmdastjóri Aton.

Áður en hún hóf störf í stjórnmálum og stjórnsýslu starfaði Anna Lísa í rúman áratug fyrir BBC á Íslandi sem fixer, auk þess að koma að bókaútgáfu.

Anna Lísa er einn af stofnendum styrktarfélaganna Gleym mér ei og Sorgarmiðstöðvarinnar og leiddi þar markvissa uppbyggingu þjónustu í nánu samstarfi við hagaðila.

Hún lærði kvikmyndaframleiðslu í Bretlandi og stundar nú MBA-nám við Háskólann í Reykjavík.

„Aton vinnur að fjölbreyttum verkefnum sem skipta bæði viðskiptavini og samfélagið máli og ég hlakka til þess að nýta styrkleika mína í samskiptum, greiningu og miðlun í þeirra þágu,“ segir Anna Lísa í tilkynningunni.