Martin fagnaði mikil­vægum sigri eftir mis­tök toppliðsins

Martin spilaði 23 mínútur í leikstjórnandastöðunni og skoraði 15 stig, auk þess að grípa 5 fráköst og gefa 3 stoðsendingar.

Jack Kayil var stigahæstur með 24 stig fyrir Alba Berlin en þessi tvítugi þýski bakvörður er hjá félaginu að láni frá KK Mega Basket akademíunni í Serbíu, þar sem Nikola Jokic spilaði áður.

Á næsta tímabili mun hann svo spila fyrir Gonzaga háskólann og þaðan er hann líklegur í NBA deildina.

Sigurinn var sérlega mikilvægur fyrir Alba því topplið deildarinnar, Bayern Munchen, missteig sig í gær og tapaði 62-79 gegn Ulm.

Bæjarar höfðu unnið þrettán leiki í röð og aðeins tapað einum leik á tímabilinu þangað til í gær.

Þjálfarinn Svetislav Pesic ákvað að hvíla einn besta leikmann liðsins, Andreas Obst, og niðurstaðan varð niðurlæging á heimavelli.