Hlín á láni til Fiorentina

Leicester City greinir frá þessu í tilkynningu á vefsíðu sinni en Hlín hefur komið við sögu í tuttugu leikjum með liðinu eftir að hún gekk í raðir þess frá Kristianstads í janúar fyrir ári síðan. 

Hlín er 25 ára gömul, kantmaður sem getur leyst flestar stöðu fram á við og hefur spilað 52 A-landsleiki fyrir Íslands hönd og skorað sjö mörk í þeim leikjum. 

Á yfirstandandi tímabili hefur hún komið við sögu í tólf leikjum með Leicester City í deild og bikar og verið í byrjunarliðinu fimm sinnum. 

Hún mun nú hitta fyrir nýju liðsfélaga sína í Flórens en Fiorentina á næst leik gegn AC Milan í ítalska bikarnum á fimmtudaginn kemur.