Bein út­sending: Reynst sann­spár undan­farin ár og spáir nú fyrir gengi Ís­lands á EM

Hingað til hefur Peter reynst mjög sannspár í sínum líkindareikningi en hann spáði því að Íslandi myndi enda í sjöunda til tólfta sæti á EM í handbolta í Þýskalandi árið 2024. Svo fór að liðið lenti í 10. sæti.

Einnig gerði Peter gerði spálíkan fyrir HM 2025 í Króatíu, Danmörku og Noregi. Hann spáði þá Íslandi í áttunda til tíunda sæti en Ísland lenti í 9. sæti. Það verður því spennandi að sjá hvort að Peter reynist eins sannspár í ár.

Peter O‘Donoghue hefur starfað við íþróttafræðideild HR frá árinu 2022. Hann er þekktur vísindamaður í íþróttaheiminum sem hefur sérhæft sig á sviði frammistöðugreininga í íþróttum (e. sport performance analysis) og m.a. starfað hjá enska knattspyrnusambandinu.

Bein útsending HR stofunnar hefst klukkan hálf eitt og verður hægt að fylgjast með henni í streymi hér fyrir neðan. 

Íslenska karlalandsliðið í handbolta hefur leik á EM á morgun þegar liðið mætir Ítalíu í fyrsta leik F-riðils. Mikil bjartsýni ríkir fyrir gengi liðsins á komandi móti en auk Ítalíu eru landslið Póllands og Ungverjalands í riðli Íslands.